Usiaho za 16 miljonaŭ dalaraŭ.
Na piŭnym rynku Biełarusi źjaviŭsia treci zamiežny investar — finskaja kampanija OLVI.
Finskaja kampanija OLVI nabyła kantrolny pakiet akcyjaŭ u AAT «Lidzkaje piva» šlacham adkrytaj padpiski na dapaŭnialnuju emisiju akcyjaŭ, paviedamiŭ sajt Belbeer.com. Košt pakietu 51 % skłaŭ kala 16 młn dalaraŭ. Rešta, 49 %, zastaniecca va ŭłasnaści pracaŭnikoŭ pradpryjemstva. Ad pačatku na aktyvy lidzkaha brovaru pretendavaŭ taksama kancern «Heineken», jaki vałodaje babrujskaj pivavarniaj «Siabar» i rečyckaj «Rečycapiva». Nahadajem, što babrujski brovar byŭ pradadzieny ŭ apošnija dni 2007 hodu, suma prodažu nie nazyvałasia. «Rečycapiva» była pradadzienaja ŭ pieršym paŭhodździ 2008 hodu amal za $10 młn.
Jašče adnym bujnym investaram u pivavarnuju halinu źjaŭlajecca hrupa Carlsberg/BBH. U śniežni 2006 h. Baltic Beverages Holding nabyŭ 30% akcyjaŭ mienskaj «Alivaryi».
Siarod lideraŭ pivavarnaha rynku pad kantrolem dziaržavy zastajucca mienskaja «Krynica» (bolš za 40% rynku) i «Bieraściejskaje piva».
Lidzkaja pivavarnia pabudavanaja ŭ 1876 hodzie. U 2000 h. ZAT «Lidzkaje piva» pieraŭtvoranaje ŭ adkrytaje akcyjanernaje tavarystva. Pa vynikach pieršaha paŭhodździa AAT «Lidzkaje piva» « zajmaje 4-je miesca siarod ajčynnych pivavaraŭ (dola piŭnoha rynku – 12,5%).
Finskaja kampanija OLVI 5 kastryčnika adznačyła 130-hodździe.
Maje svaje zavody taksama ŭ Estonii (AS A. Le Coq Group), Łatvii (A/S Cesu Alus) i Litvie (AB Ragutis). Akramia asnoŭnych brendaŭ piva OLVI i Sandels, vyrablaje enerhietyčnyja i biezalkaholnyja napoi, mineralnuju vadu.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary