Polskija palityki znoŭ padniali pytańnie ab sumie reparacyj, jakija kraina choča spahnać z Hiermanii za škodu, naniesienuju Trecim rejcham. Polšča maje namier spahnać z Hiermanii $ 850 miljardaŭ u vyhladzie reparacyj — mienavita ŭ takuju sumu polskija ŭłady aceńvajuć škodu, naniesienuju krainie vojskami viermachta padčas Druhoj suśvietnaj vajny. Pra heta zajaviŭ kiraŭnik kamisii pa reparacyjach siejma Arkadyuš Mularčyk, paviedamlaje Rp.pl.
Jon adznačyŭ, što kamisija ŭ biahučym hodzie pradastavić uradu acenačnuju spravazdaču adnosna sumy kampiensacyj, jakija Polšča mahła b zapatrabavać ad Hiermanii. Mularčyk padkreśliŭ, što budučaja spravazdača budzie składziena na asnovie anałahičnaha dakładu, składzienaha jašče paśla vajny. Palityk dadaŭ, što pytańnie z reparacyjami da hetaha času nie ŭrehulavana.
Pavodle jaho słoŭ, havorka idzie pra «vielizarnyja, ale abhruntavanyja sumy», jakija pakryjuć škodu ad razbureńnia polskich haradoŭ i viosak, ekanamičnaj i pramysłovaj infrastruktury, a taksama «stračany demahrafičny patencyjał».
Razam z tym, Mularčyk padkreśliŭ, što atrymać kampiensacyju ad Hiermanii «bolš realna», čym ad Rasii. Na dumku palityka, u Rasii «nie vykonvajuć mižnarodnaje prava».
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami25
Kamientary