FOTAprajekt pra znajomstvy na Cindary: My viedajem adno adnaho ŭžo 10 chvilin, i ŭ nas amal seks
Sieryja fotazdymkaŭ 24-hadovaj fotamastački z Danii Mary Child nazyvajecca Lifeconstruction, to bok «Pabudova žyćcia». Na ŭsich kadrach my bačym samu Mary, ale z roznymi madelami, jakich jana adšukała praź Cindar.
Niezvyčajnaść prajekta ŭ tym, što na fota my bačym blizkaść hetych ludziej, choć nasamreč jany znajomyja ŭsiaho paŭhadziny. Na kožnym zdymku paznačana, kolki chvilin prajšło z momantu pieršaj sustrečy.
Treba dadać, što Mary ad pačatku była ščyraja z madelami. Jana adrazu paznačała ŭ profili, što choča sustrecca, kab zrabić sumiesnaje fota dla jaje prajekta.
«U naša ličbavaje stahodździe kultura spatkańniaŭ vielmi źmianiłasia. U realnaści ludzi vyhladajuć nie takimi daskanałymi, jak u sacsietkach, tamu nam stała bolš składana raskryvacca adno adnamu. Heta padšturchnuła mianie da idei zrabić sieryju pastanovačnych intymnych partretaŭ z chłopcami, ź jakimi ja paznajomiłasia ŭ Cindary», — tłumačyć mastačka mesedž hetych zdymkaŭ.
Darečy, sama Mary čatyry hady tamu praź Cindar znajšła svajo kachańnie.
Choć kadry pastanovačnyja, tym nie mienš, Mary nie kantralavała ŭsio, a dazvalała prydumanym situacyjam raźvivacca pa svaim scenary.
Čytajcie taksama:
Kamientary