Sud u Čarnihavie pieranios na 5 krasavika čarhovaje padrychtoŭčaje pasiadžeńnie ŭ razhladzie spravy hramadzianina Biełarusi Juryja Palityki, jaki abvinavačvajecca ŭ špijanažy, paviedamlaje «Radyjo Svaboda».
«Siońnia na pasiadžeńnie nie pryjšoŭ pierakładčyk», — paviedamiŭ advakat biełarusa Taras Hiereluk.
U toj ža čas, abaronca adznačyŭ, što jamu ničoha nie viadoma z nahody mahčymaha abmienu Palityki na zatrymanaha i asudžanaha ŭ Biełarusi pa abvinavačvańni ŭ špijonstvie ŭkrainskaha žurnalista Paŭła Šarojki.
«Pakul u spravie ničoha novaha. Pra taki abmien mnie ničoha nieviadoma», — dadaŭ jon.
Zhodna z Kryminalna-pracesualnym kodeksam Ukrainy, na etapie padrychtoŭčaha pasiadžeńnia sud pavinien vyznačyć, ci adpaviadaje abvinavaŭčy akt kryminalnamu pracesualnamu zakanadaŭstvu Ukrainy i ci vykanaŭ prakuror patrabavańni zakona pry jaho zaćviardžeńni.
Cikava, što 27 sakavika adbyłasia telefonnaja razmova pamiž kiraŭnikom Biełarusi Alaksandram Łukašenkam i prezidentam Ukrainy Piatrom Parašenkam.
U minuły raz kiraŭniki dziaržaŭ razmaŭlali pa telefonie taksama ŭ dzień sudovaha pasiadžeńnia pa spravie Palityki — 27 lutaha.
Jak paviedamiła pres-słužba Piatra Parašenki, jak i ŭ minuły raz, jany abmierkavali «pieršy forum rehijonaŭ Ukrainy i Biełarusi, jaki adbudziecca vosieńniu ŭ Homieli, i vykazalisia za aktyvizacyju ekanamičnaha supracoŭnictva pamiž pradprymalnikami abiedźviuch krain».
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary