Dziaržaŭnaja «Rośsijskaja hazieta» parazmaŭlała z pasłom Biełarusi ŭ Rasii Iharam Pietryšenkam.
Adno z pytańniaŭ datyčyłasia źniešniepalityčnaj aryjentacyi Biełarusi.
RH: — Usie my čujem čas ad času ad inšych, vam i nam viadomych ŚMI, što Biełaruś drejfuje na Zachad i nie prymaje ruski śviet, što jość niejkaje niepryjaznaje staŭleńnie da Rasii ŭ vašaj krainie. Vy bačycie takija tendencyi i jakaja pierśpiektyva voś hetaha zachodniaha napramku biełaruskaj palityki?
Ihar Pietryšenka: —Naš vydatny kavałak rodnaj ziamli staić na miescy, jon nikudy nie drejfuje. Tak, u nas jość susiedzi z Zachadu, z Uschodu, z Poŭnačy, z Poŭdnia, i ź imi z usimi treba siabravać. I siabravać nie suprać kahości, tamu što heta šlach u nikudy. Darečy, sapraŭdy hetak ža Rasijskaja Fiederacyja pravodzić ułasnuju šmatviektarnuju źniešniuju palityku. I my tolki radujemsia, kali raźvivajecca jaje supracoŭnictva z roznymi krainami. Časam štučna stvarajecca niepatrebny ažyjataž, byccam my kudyści drejfujem, ale heta zusim niapravilna, što nieadnarazova padkreślivałasia nie tolki ŭ ŚMI, ale i na samym vysokim uzroŭni. Prynamsi, u rasijskaha kiraŭnictva niama da nas takich pytańniaŭ. Vy ž viedajecie, što naš kiraŭnik dziaržavy nieadnarazova padkreślivaŭ, kali pierad nami stavili vybar — z Zachadam my abo z Uschodam, to adkaz byŭ, što my suprać Rasii ni z kim siabravać nie źbirajemsia.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary