Дзяржаўная «Россійская газета» паразмаўляла з паслом Беларусі ў Расіі Ігарам Петрышэнкам.
Адно з пытанняў датычылася знешнепалітычнай арыентацыі Беларусі.
РГ: — Усе мы чуем час ад часу ад іншых, вам і нам вядомых СМІ, што Беларусь дрэйфуе на Захад і не прымае рускі свет, што ёсць нейкае непрыязнае стаўленне да Расіі ў вашай краіне. Вы бачыце такія тэндэнцыі і якая перспектыва вось гэтага заходняга напрамку беларускай палітыкі?
Ігар Петрышэнка: —Наш выдатны кавалак роднай зямлі стаіць на месцы, ён нікуды не дрэйфуе. Так, у нас ёсць суседзі з Захаду, з Усходу, з Поўначы, з Поўдня, і з імі з усімі трэба сябраваць. І сябраваць не супраць кагосьці, таму што гэта шлях у нікуды. Дарэчы, сапраўды гэтак жа Расійская Федэрацыя праводзіць уласную шматвектарную знешнюю палітыку. І мы толькі радуемся, калі развіваецца яе супрацоўніцтва з рознымі краінамі. Часам штучна ствараецца непатрэбны ажыятаж, быццам мы кудысьці дрэйфуем, але гэта зусім няправільна, што неаднаразова падкрэслівалася не толькі ў СМІ, але і на самым высокім узроўні. Прынамсі, у расійскага кіраўніцтва няма да нас такіх пытанняў. Вы ж ведаеце, што наш кіраўнік дзяржавы неаднаразова падкрэсліваў, калі перад намі ставілі выбар — з Захадам мы або з Усходам, то адказ быў, што мы супраць Расіі ні з кім сябраваць не збіраемся.
Каментары