5 krasavika sud Partyzanskaha rajona Minska vynies prysud dvum supracoŭnikam Homielskaj centralnaj haradskoj palikliniki. Ich pryznali vinavatymi ŭ atrymańni chabaraŭ, paviedamlaje pres-słužba suda.
Abvinavačanymi pa spravie prachodzili były hałoŭny doktar Homielskaj centralnaj haradskoj palikliniki, a taksama zahadčyk bijachimičnaj łabaratoryi va ŭstanovie.
Raniej vyśvietliłasia, što hałoŭny doktar zaklučyŭ z kamiercyjnaj firmaj dahavor na atrymańnie biazvypłatnaj sponsarskaj dapamohi — atrymańnie analizataraŭ. Pry hetym miedyk abiacaŭ zakuplać reahienty dla abstalavańnia mienavita ŭ hetaha pastaŭščyka (u za čatyry hady - na 52 tysiačy rubloŭ).
Za ŭsio heta, pa viersii śledstva, hałoŭny doktar atrymaŭ chabar. U adnym z epizodaŭ fihuravaŭ pakiet ź plaškaj śpirtnoha i kanviertam, dzie znachodziłasia 2,5 tysiačy jeŭra. Paźniej atrymaŭ jašče 800 dalaraŭ.
«Prajaviŭ słabaść», - pryznaŭ doktar svaju vinu ŭ sudzie.
Inšy fihurant abvinavačvaŭsia ŭ atrymańni dvuch chabaraŭ, ale pryznaŭ tolki adnu.
U vyniku kožny ź miedykaŭ asudžany na 3 hady źniavoleńnia ŭ kałonii ŭzmocnienaha režymu. U mužčyn kanfiskujuć majomaść, a taksama zabaroniać na praciahu piaci hadoŭ zajmać peŭnyja pasady. Prysud jašče nie ŭstupiŭ u siłu i moža być abskardžany.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii7
Kamientary