5 красавіка суд Партызанскага раёна Мінска вынес прысуд двум супрацоўнікам Гомельскай цэнтральнай гарадской паліклінікі. Іх прызналі вінаватымі ў атрыманні хабараў, паведамляе прэс-служба суда.
Абвінавачанымі па справе праходзілі былы галоўны доктар Гомельскай цэнтральнай гарадской паліклінікі, а таксама загадчык біяхімічнай лабараторыі ва ўстанове.
Раней высветлілася, што галоўны доктар заключыў з камерцыйнай фірмай дагавор на атрыманне бязвыплатнай спонсарскай дапамогі — атрыманне аналізатараў. Пры гэтым медык абяцаў закупляць рэагенты для абсталявання менавіта ў гэтага пастаўшчыка (у за чатыры гады - на 52 тысячы рублёў).
За ўсё гэта, па версіі следства, галоўны доктар атрымаў хабар. У адным з эпізодаў фігураваў пакет з пляшкай спіртнога і канвертам, дзе знаходзілася 2,5 тысячы еўра. Пазней атрымаў яшчэ 800 даляраў.
«Праявіў слабасць», - прызнаў доктар сваю віну ў судзе.
Іншы фігурант абвінавачваўся ў атрыманні двух хабараў, але прызнаў толькі адну.
У выніку кожны з медыкаў асуджаны на 3 гады зняволення ў калоніі ўзмоцненага рэжыму. У мужчын канфіскуюць маёмасць, а таксама забароняць на працягу пяці гадоў займаць пэўныя пасады. Прысуд яшчэ не ўступіў у сілу і можа быць абскарджаны.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна11
Каментары