Rasijskija i biełaruskija desantniki prystupili da sumiesnych vučeńniaŭ u Biełarusi na palihonie Brescki, paviedamiŭ departamient infarmacyi i masavych kamunikacyj Minabarony RF.
«Na palihonie Brescki (Respublika Biełaruś) pačałasia aktyŭnaja faza sumiesnych taktyčnych vučeńniaŭ desantna-šturmavych padraździaleńniaŭ PDV Rasii i sił śpiecyjalnych apieracyj Respubliki Biełaruś. U chodzie asnoŭnaha etapu rotnaja taktyčnaja hrupoŭka desantnikaŭ dźviuch krain desantavałasia ŭ zadadzienym rajonie na placoŭcy pryziamleńnia «Sachara» na parašutnych sistemach D-10 i D-6 z vyšyni 800 mietraŭ ź viertalotaŭ Mi-8 VPS uzbrojenych sił Respubliki Biełaruś. Adnačasova z desantavańniem pieršaj hrupoŭki druhaja ździejśniła 15-kiłamietrovy marš u vyznačany rajon źmiašanaj kałonaj, u skład jakoj uvajšło bolš za 70 adzinak aŭtamabilnaj i braniravanaj techniki», — havorycca ŭ paviedamleńni.
Jak adznačajecca, upieršyniu na terytoryi Biełarusi ŭ vučeńniach ŭdzielničaje inžynierna-sapiornaje padraździaleńnie z Pskoŭskaha złučeńnia PDV. Rasijskija sapiory sumiesna ź biełaruskimi kalehami adkazvali za praviadzieńnie inžyniernaj raźviedki (raźminiravańnie) pa maršrucie ruchu vajennaj kałony. U vučeńniach było zadziejničana bolš za 600 čałaviek asabovaha składu i kala 100 adzinak vajennaj i śpiecyjalnaj techniki, u tym liku viertaloty Mi-8 VPS i vojskaŭ SPA ŭzbrojenych siłaŭ Respubliki Biełaruś.
Paviedamlajecca, što ad biełaruskaha boku ŭ vučeńniach biaruć udzieł padraździaleńni 38-j asobnaj hvardziejskaj desantna-šturmavoj bryhady, ad rasijskaha — uzmocnienaja desantna-šturmavaja rota 104-ha desantna-šturmavoha pałka Pskoŭskaha złučeńnia PDV ahulnaj kolkaściu bolš za 100 čałaviek.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary