Расійскія і беларускія дэсантнікі прыступілі да сумесных вучэнняў у Беларусі на палігоне Брэсцкі, паведаміў дэпартамент інфармацыі і масавых камунікацый Мінабароны РФ.
«На палігоне Брэсцкі (Рэспубліка Беларусь) пачалася актыўная фаза сумесных тактычных вучэнняў дэсантна-штурмавых падраздзяленняў ПДВ Расіі і сіл спецыяльных аперацый Рэспублікі Беларусь. У ходзе асноўнага этапу ротная тактычная групоўка дэсантнікаў дзвюх краін дэсантавалася ў зададзеным раёне на пляцоўцы прызямлення «Сахара» на парашутных сістэмах Д-10 і Д-6 з вышыні 800 метраў з верталётаў Мі-8 ВПС узброеных сіл Рэспублікі Беларусь. Адначасова з дэсантаваннем першай групоўкі другая здзейсніла 15-кіламетровы марш у вызначаны раён змяшанай калонай, у склад якой увайшло больш за 70 адзінак аўтамабільнай і браніраванай тэхнікі», — гаворыцца ў паведамленні.
Як адзначаецца, упершыню на тэрыторыі Беларусі ў вучэннях ўдзельнічае інжынерна-сапёрнае падраздзяленне з Пскоўскага злучэння ПДВ. Расійскія сапёры сумесна з беларускімі калегамі адказвалі за правядзенне інжынернай разведкі (размініраванне) па маршруце руху ваеннай калоны. У вучэннях было задзейнічана больш за 600 чалавек асабовага складу і каля 100 адзінак ваеннай і спецыяльнай тэхнікі, у тым ліку верталёты Мі-8 ВПС і войскаў СПА ўзброеных сілаў Рэспублікі Беларусь.
Паведамляецца, што ад беларускага боку ў вучэннях бяруць удзел падраздзяленні 38-й асобнай гвардзейскай дэсантна-штурмавой брыгады, ад расійскага — узмоцненая дэсантна-штурмавая рота 104-га дэсантна-штурмавога палка Пскоўскага злучэння ПДВ агульнай колькасцю больш за 100 чалавек.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым3
Каментары