Bubnaču «Žučkoŭ» Rynha Staru abrydli nazalańni šanavalnikaŭ jahonaha talentu.
Vydaje na toje, što bubnaču «Žučkoŭ» Rynha Staru abrydli nazalańni šanavalnikaŭ jahonaha talentu. U zajavie, zroblenaj na svajoj aficyjnaj staroncy, Rynha Star paviedamlaje, što listy i rečy, jakija buduć dasłanyja jamu paśla 20 kastryčnika, apynucca ŭ śmietniku.
«Heta surjoznaje pasłańnie, — kaža ŭ svaim paviedamleńni Rynha. — Miru i lubovi vam. Miru i lubovi. Ja chaču paprasić vas, kali łaska nie dasyłajcie mnie svaje listy paśla 20 kastryčnika ni na adzin z maich adrasoŭ, jakija vy majecie. Ja nia budu nikomu adkazvać. Ja papiaredžvaju vas, mirna i paluboŭna, u mianie niama času. Tak što — biaź lostak, dziakuj, i taksama biaz rečaŭ, na jakich vy prosicie mianie stavić aŭtohraf. Aničoha. I ŭsio ž — miru i lubovi vam».
Adna z pryčynaŭ takoha ŭčynku, peŭna, chavajecca ŭ tym, što Staru nadakučyła bačyć rečy z ułasnym aŭtohrafam, jakija pradajucca na sajcie eBay.
Cikava, što ŭ adnoj z častak amerykanskaha multseryjału «Siamja Simpsanaŭ», malavanaje ŭvasableńnie Rynha Staru taki ŭpadabała piśmy ad svaich prychilnikaŭ, i jon navat adkazvaje na list hałoŭnaj hieraini seryjału, chatniaj haspadyni Marč Simpsan: «Ludzi patracili svoj čas napisać mnie, i tamu niachaj u mianie voźmie 20 hadoŭ, kab adpisać usim im, — mnie ŭsio adno!»
Kamientary