Ministr adukacyi raskazaŭ pra pavyšeńnie zarobkaŭ nastaŭnikaŭ, IT-kłasy i biełaruskija hrupy ŭ sadkach
U Minsku adbyŭsia finał konkursu BRSM «100 idej dla Biełarusi». U kułuarach mierapryjemstva ministr adukacyi Ihar Karpienka adkazaŭ na pytańni «Našaj Nivy».
«Ci varta čakać pavyšeńnia zarobkaŭ nastaŭnikaŭ? Kali tak, to ŭ jakim pamiery i kali?» — spytalisia my.
«Pavyšeńnie budzie, — skazaŭ Karpienka. — My ŭnosili svaje prapanovy ŭradu. Dakładnych ličbaŭ ja nie skažu, ale našaja prapanova takaja: vychavacielam dziciačych sadkoŭ padniać zarobak na 50%, a potym pavyšać na 20% usim piedahahičnym rabotnikam. Što datyčyć dat, to heta zaležyć užo nie ad našaha ministerstva. Ciapier viadziecca rabota ŭ Minfinie, uradzie i Ministerstvie ekanomiki. Jany pavinny pryniać rašeńnie pa kankretnych sumach, sychodziačy z mahčymaściaŭ ekanomiki. Paŭtarusia, što rabota adpaviednaja viadziecca».
«A ci płanujecca pašyreńnie śpisu profilnych kłasaŭ? Niadaŭna ž vy inicyjavali ahrarnyja kłasy, dyk, moža, źjaviacca i IT-kłasy, naprykład?» — taksama spytalisia my.
«Siońniašniaja profilnaja sistema nie zabaraniaje vystupać ź lubymi incicyjatyvami. Učora na kalehii Ministerstva adukacyi i Ministerstva infarmatyzacyi i suviazi my razhladali hetaje pytańnie, u tym liku. U pryncypie, heta mahčyma. Ale ja dumaju, što nie treba tut hnacca za ličbami i nazvami, a treba sychodzić z patreb ekanomiki. Čamu ahrarnyja kłasy? Nie sakret, što ŭ hetuju śfieru moładź idzie kiepska… My tut kiravalisia ŭzoram piedkłasaŭ, jakija my stvaryli, kab padniać uzrovień abituryjentaŭ piedahahičnych VNU, kab tudy bolš matyvavanych ludziej išło. U peŭnym sensie heta atrymałasia: padnialisia bały abituryjentaŭ, bolš miedalistaŭ pajšło ŭ piedy. Tak, spadziajemsia, budzie i z arharnymi kłasami — u hetych kadrach realnaja patreba ekanomiki. A što da ajcišnikaŭ, to tut i tak vialiki konkurs, my pavialičvajem nabory. Kali treba budzie i dalejšaje pašyreńnie, to razhledzim varyjant śpiecyjalnych kłasaŭ. Viedajecie, učora my razhladali i pytańnie źmianieńnia kursu infarmatyki ŭ škołach ahułam. Napeŭna, treba syści ad žorstkaha vučebnaha płana, dać bolš prastory dla tvorčaści kankretnaha piedahoha i vučnia. Nie pryviazvać usio da prahramy, ale vyznačyć pry hetym nabor kampietencyj, jakimi musić vałodać vypusknik siaredniaj škoły ŭ IT-kirunku», — skazaŭ ministr.
«Skažycie taksama, a čamu hučać pretenzii baćkoŭ, što na miescach nie zaŭsiody iduć nasustrač u pytańni adkryćcia biełaruskamoŭnych kłasaŭ i hrup u sadkach?»
«Nu, moža, nie zaŭsiody jany tak užo i nie iduć. Čaściej nie źbirajecca kolkaść dziaciej. Kali pryjšoŭ adzin baćka i kaža: davajcie stvorym biełaruskamoŭnaje asiarodździe, to heta ciažka realizavać. Kali takich čałaviek budzie 20, to my takija kłasy i hrupy adkryjem. I ja sam, darečy, pieryjadyčna havaru pa-biełarusku, nie treba dumać, što ŭ mianie z hetym prablemy. I my siońnia, pracujučy z tymi ž himnazijami, dali ŭstanoŭku, kab padtrymać ich napaŭnialnaść, nie pryviazvajuć ich žorstka da terytoryi. Taksama dali ŭstanoŭku orhanam adukacyi na miescach, kab jany staralisia znachodzić dziaciej, jakija chočuć navučacca na biełaruskaj movie ŭ sadach i škołach, kab jany imknulisia sfarmiravać hetyja hrupy».
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary