Hurt Volski pradstaviŭ novuju viersiju pieśni «Lohkija-lohkija», prymierkavanuju da startu tura pa Biełarusi. Pieršy kancert adbudziecca 14 krasavika ŭ Red Pub u Homieli.
U prahramie turu lepšyja pieśni N.R.M., «Mroi» i solnych albomaŭ Volskaha ŭ elektryčnym hučańni. Novaja viersija «Lohkija-lohkija» była zapisanaja ŭ Vilni z narviežskim saŭndpradusaram Snore Bierhierudam, jaki zapisvaŭ albomy «Hramadaznaŭstva» (2014) i «Psichasamatyka» (2016).
— «Lohkija-lohkija» — adna z hałoŭnych piesień majho žyćcia. Jana vielmi asabistaja, ale, jak vyśvietliłasia praz hady, emocyi, zakładzienyja ŭ joj, blizkija vialikaj kolkaści ludziej. Nia tak daŭno my z pradusaram Snore i bubnačom Sindre zapisali novuju viersiju. Mienavita tak jana ciapier hučyć na našych kancertach.
Hurt Volski składajuć Lavon Volski (vakał, hitara), Pavieł Trypuć (hitara), Aleś-Francišak Myškievič (bas), Pavieł Mamonaŭ (bubny). U dyskahrafii hurta albomy «Hramadaznaŭstva» (2014) i «Psichasamatyka» (2016). U repiertuary — uvieś bek-katałoh lepšych piesień kalektyvaŭ z udziełam Lavona Volskaha.
Hrafik turu: 14.04 — Homiel, 15.04 — Barysaŭ, 21.04 — Viciebsk, 28.04 — Brest, 29.04 — Mahiloŭ, 12.05 — Hrodna, 18.05 — Babrujsk, 19.05 — Śvietłahorsk. Ahulnaja infalinija +375 33 661 14 32.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary