Novaziełandski supiermarkiet uvioŭ «cichuju hadzinu pakupak» dla ludziej z aŭtyzmam
U hety čas rabotniki vyklučajuć muzyku, pryhłušajuć śviatło i nie hrukočuć vazkami.
Supiermarkiet u novaziełandskim horadzie Martan uvioŭ śpiecyjalnuju «cichuju hadzinu» dla pakupnikoŭ z aŭtyzmam. Pa sieradach z 15 da 16 hadzin u kramie vyklučajecca fonavaja muzyka, pryhłušajecca śviatło, a rabotnik nie źbiraje vazki na parkoŭcy.
Ideju prapanavała supracoŭnica supiermarkieta Łara Choh, u jakoj jość 13-hadovy syn pa imieni Chanter, jaki pakutuje na ciažkuju formu aŭtyzmu. Mieniedžar kramy padtrymała akcyju, i pieršaja «cichaja hadzina» prajšła 4 krasavika.
U Martanie pražyvaje niekalki dziasiatkaŭ ludziej z aŭtyzmam. Miascovaja žycharka Anet Braŭn pryznałasia, što dla jaje i jaje syna pachody ŭ kramu ŭ hety čas stali sapraŭdnym vyratavańniem.
Padčas «cichaj hadziny» ŭ kramu dapuskajucca ŭsie pakupniki, ale rabotniki prosiać ich pavodzić siabie cišej.
Ciapier kampanija razhladaje pytańnie ab razhortvańni «cichaj hadziny» ŭ inšych haradach, dzie jość kramy sietki.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary