Новазеландскі супермаркет увёў «ціхую гадзіну пакупак» для людзей з аўтызмам
У гэты час работнікі выключаюць музыку, прыглушаюць святло і не грукочуць вазкамі.
Супермаркет у новазеландскім горадзе Мартан увёў спецыяльную «ціхую гадзіну» для пакупнікоў з аўтызмам. Па серадах з 15 да 16 гадзін у краме выключаецца фонавая музыка, прыглушаецца святло, а работнік не збірае вазкі на паркоўцы.
Ідэю прапанавала супрацоўніца супермаркета Лара Хог, у якой ёсць 13-гадовы сын па імені Хантэр, які пакутуе на цяжкую форму аўтызму. Менеджар крамы падтрымала акцыю, і першая «ціхая гадзіна» прайшла 4 красавіка.
У Мартане пражывае некалькі дзясяткаў людзей з аўтызмам. Мясцовая жыхарка Анэт Браўн прызналася, што для яе і яе сына паходы ў краму ў гэты час сталі сапраўдным выратаваннем.
Падчас «ціхай гадзіны» ў краму дапускаюцца ўсе пакупнікі, але работнікі просяць іх паводзіць сябе цішэй.
Цяпер кампанія разглядае пытанне аб разгортванні «ціхай гадзіны» ў іншых гарадах, дзе ёсць крамы сеткі.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага26
Каментары