Dvoje Sieviaryncaŭ, Arłoŭ, Aksak, Bacharevič: apublikavany śpis naminantaŭ na «Knihu hoda»
Na sajcie premii «Kniha hodu» apublikavany śpis z 54 knih-naminantaŭ, a taksama śpis siabraŭ žury, što hałasujuć za najlepšuju knihu. Sioleta da vialikaha žury dałučylisia 100 litarataraŭ i litaratarak, paviedamlaje Radyjo Svaboda.
Kančatkovyja vyniki źjaviacca 31 traŭnia na sajcie kniha. by. Pieramožca atrymaje pryz u pamiery 1000 eŭra ŭ ekvivalencie pa kursie Nacbanka. Premija prysudžajecca adnoj najlepšaj knizie, vydadzienaj u 2017 hodzie ŭ žanrach mastackaja proza, paezija, eseistyka, non-fikšn.
Knihi, jakija zhadvalisia najčaściej:
- Valancina Aksak. Zavinieny raj. (Minsk: Halijafy)
- Michał Aniempadystaŭ. Koler Biełarusi. (Vilnia: Łohvinaŭ)
- Uładzimir Arłoŭ. Tancy nad horadam. (Vilnia: Łohvinaŭ)
- Alhierd Bacharevič. Sabaki Eŭropy. (Vilnia: Łohvinaŭ)
- Anton Francišak Bryl. Cmačanka. (Miensk: A. M. Januškievič)
- Valžyna Mort. Epidemija ružaŭ. (Vilnia: Łohvinaŭ)
- Hanna Sieviaryniec. Dzień śviatoha Patryka. (Miensk: Rehistr)
- Pavieł Sieviaryniec. Biełarusalim. Zołak. (Dnipro: Sieriedniak T. K.)
- Anka Upała. Na zaśniežany vostraŭ. (Miensk: Januškievič)
Premija «Kniha hodu» była zasnavana Biełaruskim PEN-centram u 2015 hodzie.
Papiarednija pieramožcy: Alhierd Bacharevič z knihaj «Dzieci Alindarki», Anton Rudak z knihaj «Vierchni horad», Volha Hapiejeva z knihaj «Sumny sup» i Ludmiła Rubleŭskaja z knihaj «Avantury studyjozusa Vyrviča». U 2015 hodzie ŭ naminacyi «Dziciačaja litaratura» pieramoh Andrej Chadanovič z knihaj «Natatki tatki», letaś — Nasta Kudasava z knihaj «Majo nievymaŭla».
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii15
Kamientary