17 maja ahučyli vyrak piaciarym členam siamji ź Minskaha rajona. Cyhanie, jakija nidzie nie pracavali, ale mieli chatniuju rabotnicu, vyrašyli «źniać» z žančyny hrošaj.
25-hadovyja muž i žonka razam sa svaimi baćkami zaprasili 52-hadovuju žančynu prybrać u katedžy pierad Novym hodam. A paśla zajavili joj, što 650 dalaraŭ źnikli. I žančyna musić addać tyja hrošy.
Žančynu hvałtam utrymlivali ŭ domie, źbivali, prymušali raspranacca, napisali «pryznańnie» i prymusili žančynu začytać jaho na kamieru.
Paśla rabotnica pajšła ŭ milicyju. Ale jaje «pracadaŭcy» adrazu ž napisali sustrečnuju zajavu: maŭlaŭ, taja skrała hrošy. Ale sumu adrazu pavialičyli — nibyta źnikła 6650 dalaraŭ.
Praŭda, nieŭzabavie zatrymali ŭsich piaciarych «paciarpiełych». Sud vyrašyŭ, što jany vinavatyja ŭ paklopie, niezakonnym pazbaŭleńni voli, vymahalnictvie.
Dvoje žančyn atrymali pa 4,5 hoda kałonii ahulnaha režymu. Adzin z mužčyn — taksama 4,5 hoda, ale ŭzmocnienaha režymu. Jašče dvoje mužčyn atrymali pa 4 hady kałonii, režym — uzmocnieny.
Taksama majomaść siamji kanfiskujuć, jany musiać spłacić 2000 rubloŭ paciarpiełaj rabotnicy.
Kamientary