24 maja na stancyi mietro «Uschod» 13-hadovy padletak saskočyŭ z płatformy na puci, kab padniać mabilny telefon, jaki ŭpaŭ. Chłopčyku cudam udałosia paźbiehnuć udaru tokam ad kantaktnaj rejki z vysokaj napruhaj, paviedamlaje Minski mietrapaliten.
Minski mietrapaliten nahadvaje, kali vy ŭpuścili na puci mietro mabilny telefon ci niejki inšy pradmiet, ni ŭ jakim razie nie sprabujcie dastać jaho samastojna. Heta niebiaśpiečna dla žyćcia. Adrazu źviarniciesia da rabotnika stancyi. Kali jaho niama pobač, treba skarystacca pryładaj ekstranaj suviazi, jakaja znachodzicca na ścianie ŭ kancy luboj płatformy. Nieabchodna nacisnuć knopku z nadpisam INFO i paviedamić dziažurnamu pa stancyi ab tym, što adbyłosia. Dalej pra ŭsio pakłapociacca rabotniki mietro.
Pry vypadkovym padzieńni na rejki pasprabujcie pryciahnuć da siabie ŭvahu supracoŭnikaŭ mietrapalitena, milicyi, inšych pasažyraŭ. Apynuŭšysia na puciach, ni ŭ jakim razie nielha chavacca pad kraj pasažyrskaj płatformy i sprabavać samastojna vybracca z puciej. Uzdoŭž kraju płatformy prachodzić kantaktnaja rejka pad śmiarotna niebiaśpiečnaj napruhaj 825 volt.
Kali pry padzieńni na rejki vy zachavali mahčymaść ruchacca samastojna, to, nie nabližajučysia da kraju płatformy, chutka idzicie da miesca prypynku hałaŭnoha vahona ciahnika. Heta daść mašynistu mahčymaść svoječasova zatarmazić. Aryjencirami pasłužać čorna-biełaja rejka, umacavanaja na puci, a taksama lusterka na płatformie. Dajšoŭšy miesca, čakajcie rabotnika mietrapalitena, jaki vyviedzie vas z tunela.
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary