24 мая на станцыі метро «Усход» 13-гадовы падлетак саскочыў з платформы на пуці, каб падняць мабільны тэлефон, які ўпаў. Хлопчыку цудам удалося пазбегнуць удару токам ад кантактнай рэйкі з высокай напругай, паведамляе Мінскі метрапалітэн.
Мінскі метрапалітэн нагадвае, калі вы ўпусцілі на пуці метро мабільны тэлефон ці нейкі іншы прадмет, ні ў якім разе не спрабуйце дастаць яго самастойна. Гэта небяспечна для жыцця. Адразу звярніцеся да работніка станцыі. Калі яго няма побач, трэба скарыстацца прыладай экстранай сувязі, якая знаходзіцца на сцяне ў канцы любой платформы. Неабходна націснуць кнопку з надпісам INFO і паведаміць дзяжурнаму па станцыі аб тым, што адбылося. Далей пра ўсё паклапоцяцца работнікі метро.
Пры выпадковым падзенні на рэйкі паспрабуйце прыцягнуць да сябе ўвагу супрацоўнікаў метрапалітэна, міліцыі, іншых пасажыраў. Апынуўшыся на пуцях, ні ў якім разе нельга хавацца пад край пасажырскай платформы і спрабаваць самастойна выбрацца з пуцей. Уздоўж краю платформы праходзіць кантактная рэйка пад смяротна небяспечнай напругай 825 вольт.
Калі пры падзенні на рэйкі вы захавалі магчымасць рухацца самастойна, то, не набліжаючыся да краю платформы, хутка ідзіце да месца прыпынку галаўнога вагона цягніка. Гэта дасць машыністу магчымасць своечасова затармазіць. Арыенцірамі паслужаць чорна-белая рэйка, умацаваная на пуці, а таксама люстэрка на платформе. Дайшоўшы месца, чакайце работніка метрапалітэна, які выведзе вас з тунэля.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек5
Каментары