U paniadziełak ŭ SIZA na Vaładarskaha byŭ źmieščany moładzievy aktyvist Alaksandar Barazienka. Chłopiec prachodzić pa kryminalnaj spravie za mitynh pradprymalnikaŭ 10 studzienia. Heta pieršy novy palitviazień, što trapiŭ za kraty paśla admieny sankcyj Eŭrasajuzu.
U paniadziełak ŭ SIZA na Vaładarskaha byŭ źmieščany moładzievy aktyvist Alaksandar Barazienka. Chłopiec prachodzić pa kryminalnaj spravie za mitynh pradprymalnikaŭ 10 studzienia. Heta pieršy novy palitviazień, što trapiŭ za kraty paśla admieny sankcyj Eŭrasajuzu.
Nahadajem, što taja sprava atrymała nieaficyjnuju nazvu «Praces čatyrnaccaci». Adnak na łavie padsudnych akazałasia tolki trynaccać čałaviek. Student universytetu Ŭrocłava Alaksandar Barazienka pryniaŭ rašeńnie zastacca ŭ Polščy i nie pryjaždžać na praces. Fihuranty toj spravy atrymali roznyja terminy abmiežavańnia voli biez nakiravańnia adbyvać pakarańnia, a taksama štrafy. Andrej Kim atrymaŭ paŭtara hodu kalonii.
Bolšaść ź ich žyvie siońnia faktyčna va ŭmovach chatniaha aryštu. Niekatoryja, jak Taciana Ciškievič, Alaksiej Bondar, Arciom Dubski, pryniali rašeńnie źjechać z krainy.
Pavodle našaj infarmacyi Alaksandar Barazienka peŭny čas znachodziŭsia na terytoryi Biełarusi. Źjechać nazad na vučobu nie było mahčymaści, bo rasiejcy adnavili biełaruskuju bazu nievyjaznych. Chłopca nibyta navat zdymali ź ciahnika.
27 kastryčnika Alaksandar Barazienka dobraachvotna razam z svaim advakatam Paŭłam Sapiełkam źjavilisia da śledčaha Michalkieviča. Tam chłopcu i była pradstaŭlena pastanova ab aryšcie, jakaja była vypisana jašče ŭ traŭni.
«U SIZA Barazienka praviadzie čas da sudu, kali, kaniečnie, nia budzie zamieniena miera strymańnia.Chadajnictva ŭ prakuraturu nakiruju bližejšymi dniami», — kaža P.Sapiełka.
Pakul ciažka mierkavać, kali dakładna adbudziecca sud. Viadoma tolki što jon adbudziecca ŭ sudzie Centralnaha rajonu Miensku.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary