U vypusku vynikovaj prahramy «Viesti niedieli» ź Dźmitryjem Kisialovym na telekanale «Rasija-1» pakazali ŭśmiešlivaha Kim Čen Yna padčas pocisku ruki z rasijskim ministram zamiežnych spraŭ Siarhiejem Łaŭrovym. Pry hetym na aryhinalnaj fatahrafii lidar Paŭnočnaj Karei staić z surjoznym tvaram.
U jakaści zychodnaj fatahrafii byŭ uziaty zdymak fotaahienctvaŭ Visualrian Mia «Rośsija siehodnia».
Na zdymkach supadaje mimika Łaŭrova, a taksama stanovišča ruk apanientaŭ, rakurs i zadni fon. Na nieadpaviednaść źviarnuŭ uvahu pablik «Lentač».
Z sustrečy Kim Čen Yna i Łaŭrova jość niekalki fatahrafij, u tym liku z uśmieškaj lidara KNDR. Tak, kali apanienty tolki sustrakajucca ŭ kalidory abo kali cisnuć ruki paśla pieramoŭ — radujucca abodva.
Heta paćviardžajuć videa sustrečy: Łaŭroŭ i Kim Čen Yn vitajuć adzin adnaho pociskami ruki i ŭśmieškami, ale, pazirujučy dla žurnalistaŭ, rady tolki ministr zamiežnych spraŭ. Dla jakich metaŭ redaktary «Viesti niedieli» źmianili fatahrafiju ŭ siužecie - nieviadoma.
Kamientary