Aficyjny Jerevan krytykuje prodaž z boku Biełarusi — svajho sajuźnika pa JEAES i ADKB, reaktyŭnych sistem załpavaha ahniu «Pałanez» Azierbajdžanu. «Heta nie zusim łahična», — siońnia ŭ chodzie pres-kanfierencyi ŭ efiry Azatuciun TB skazaŭ namieśnik ministra zamiežnych spraŭ Armienii Ruben Rubinian.
«Uličvajučy toje, što Biełaruś źjaŭlajecca siabroŭskaj dla nas krainaj, udzielničaje razam z nami ŭ šerahu šmatbakovych farmataŭ i maje sajuźnickija abaviazacielstvy, nam vielmi sumna, što Biełaruś pradaje zbroju dziaržavie, jakaja znachodzicca z nami ŭ kanflikcie. I ja liču, što my, jak raniej, tak i ŭ dalejšym uzdymiem hetyja pytańni adpaviednym čynam. Liču, što heta nie zusim łahična, uličvajučy isnujučyja pamiž Armienijaj i Biełaruśsiu siabroŭskija i sajuźnickija adnosiny», — zajaviŭ Rubinian.
Siońnia azierbajdžanskija ŚMI paviedamili, što, niahledziačy na publičnuju krytyku z boku aficyjnaha Jerevana, hetyja dalnabojnyja sistemy ŭžo dasiahnuli Azierbajdžana i siońnia ŭžo byli prademanstravany prezidentu Ilchamu Alijevu. Jak paviedamlaje Baku, jany mohuć nanosić udary na adlehłaści da 300 kiłamietraŭ i paražać celi praciŭnika ŭ radyusie 80 kiłamietraŭ.
Aficyjny Jerevan ŭ adkaz raskrytykavaŭ hetuju ździełku. Pres-sakratar Ministerstva abarony Armienii Arcrun Avanisian u hutarcy z Radyjo Azatuciun tady adznačyŭ, što ličyć nieprymalnym prodaž zbroi «takoj dziaržavie, jak Azierbajdžan».
Čytajcie taksama: Biełaruskija «Pałanezy» pastupili na ŭzbrajeńnie azierbajdžanskaj armii
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary