Афіцыйны Ерэван крытыкуе продаж з боку Беларусі — свайго саюзніка па ЕАЭС і АДКБ, рэактыўных сістэм залпавага агню «Паланэз» Азербайджану. «Гэта не зусім лагічна», — сёння ў ходзе прэс-канферэнцыі ў эфіры Азатуцюн ТБ сказаў намеснік міністра замежных спраў Арменіі Рубэн Рубінян.
«Улічваючы тое, што Беларусь з'яўляецца сяброўскай для нас краінай, удзельнічае разам з намі ў шэрагу шматбаковых фарматаў і мае саюзніцкія абавязацельствы, нам вельмі сумна, што Беларусь прадае зброю дзяржаве, якая знаходзіцца з намі ў канфлікце. І я лічу, што мы, як раней, так і ў далейшым уздымем гэтыя пытанні адпаведным чынам. Лічу, што гэта не зусім лагічна, улічваючы існуючыя паміж Арменіяй і Беларуссю сяброўскія і саюзніцкія адносіны», — заявіў Рубінян.
Сёння азербайджанскія СМІ паведамілі, што, нягледзячы на публічную крытыку з боку афіцыйнага Ерэвана, гэтыя дальнабойныя сістэмы ўжо дасягнулі Азербайджана і сёння ўжо былі прадэманстраваны прэзідэнту Ільхаму Аліеву. Як паведамляе Баку, яны могуць наносіць удары на адлегласці да 300 кіламетраў і паражаць цэлі праціўніка ў радыусе 80 кіламетраў.
Афіцыйны Ерэван ў адказ раскрытыкаваў гэтую здзелку. Прэс-сакратар Міністэрства абароны Арменіі Арцрун Аванісян у гутарцы з Радыё Азатуцюн тады адзначыў, што лічыць непрымальным продаж зброі «такой дзяржаве, як Азербайджан».
Чытайце таксама: Беларускія «Паланэзы» паступілі на ўзбраенне азербайджанскай арміі
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары