Milicyja zatrymała pry atrymańni chabaru načalnika Haradskoha kliničnaha patołahaanatamičnaha biuro Arkadzia Pučkova, paviedamlaje pres-słužba viedamstva.
Hrašovyja srodki na sumu 5245 rubloŭ i 300 dalaraŭ ZŠA jon atrymaŭ ad pradstaŭnika kamiercyjnaj struktury za spryjalnaje vyrašeńnie pytańniaŭ ab zaklučeńni dahavoraŭ na pastaŭku rytualnych pryład dla kramy, raźmieščanaj na terytoryi arhanizacyi, i svoječasovaj apłacie za pastaŭleny tavar.
Infarmacyja ab karupcyjnaj dziejnaści pastupiła ŭ kancy maja. Stała viadoma, što chabary, jakija pieradavalisia jak u biełaruskich rublach, tak i ŭ zamiežnaj valucie, načalnik biuro atrymlivaŭ užo bolš za dziesiać hadoŭ. Ahulnaja suma skłała dziasiatki tysiač dalaraŭ ZŠA. Pamier štomiesiačnaj «uznaharody» byŭ roŭny 10% ad sumy pastaŭlenaha tavaru. Praŭda, jak adznačajuć apieratyŭniki, u apošni čas fihurant vyjaŭlaŭ aściarožnaść: staraŭsia atrymlivać hrošy štokvartalna, kab pamienšyć kolkaść sustreč z pradstaŭnikami kamiercyjnych struktur.
Padazravanamu pahražaje da 15 hadoŭ pazbaŭleńnia voli. Jon źmieščany pad vartu.
Apieratyŭnikami HUBAZiK užo zafiksavanyja šmatlikija fakty atrymańnia fihurantam hrašovych srodkaŭ ad pradstaŭnikoŭ kamiercyjnych struktur. Inkryminavanaja suma — nie mienš za 200 tysiač dalaraŭ ZŠA.
Cikavy fakt: hrošy apieratyŭniki vyjavili ŭ marazilnym adździaleńni chaładzilnika. Patołahaanatam adznačyŭ, što nie moža patłumačyć pachodžańnie hrošaj. Svaju vinu jon admaŭlaje.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii23
Kamientary