Na premjery animacyjnaha multfilma Chajao Mijadzaki «Rybka Pońjo» u ahučcy prajekta «Biełaruskija ŭikendy» byŭ pastaŭleny rekord. 21 červienia ŭ kinateatry «Maskva» supolnymi namahańniami ŭsich prysutnych było sabrana 560 rybak-aryhami.
Inicyjatyva niezvyčajnaha rekordu sychodziła ad partniora prajekta «Biełaruskija ŭikendy» — kampanii velcom. Za try chviliny ŭsim prysutnym na premjery, naležała skłaści jak maha bolš papiarovych rybak. U vyniku 506 čałaviek sabrali 560 fihurak i ŭpisali novuju staronku ŭ Knihu rekordaŭ krain Bałtyi i SND «Dziva», dzie heta dasiahnieńnie było zafiksavana.
I fihurka rybki, i mastactva aryhami byli abranyja nievypadkova: hałoŭnaja hierainia filma — rybka. A aryhami, jak i anime, źjaŭlajecca adnym z samych viadomych simvałaŭ Japonii.
Darečy, pasoł Japonii ŭ Respublicy Biełaruś spadar Chiroki Takunaha taksama prysutničaŭ na mierapryjemstvie i staŭ nie tolki śviedkam, ale i aktyŭnym udzielnikam rekordu.
Paśla taho, jak rekord byŭ aficyjna zafiksavany ŭ prysutnaści pradstaŭnika Knihi rekordaŭ, usie rybki byli pieradadzienyja ŭ padarunak vychavancam Dziciačaha doma-internatu dla dziaciej-invalidaŭ z asablivaściami psichafizičnaha raźvićcia.
Pakazy «Rybki Pońjo» projduć da 1 lipienia ŭ kinateatrach sietki Silver Screen — velcom cinema, Arena City i Galileo, da 24 červienia — u kinateatry «Maskva», ad 25 da 27 červienia — u kinateatry «Pijanier». Ahułam projdzie piaćdziasiat sieansaŭ.
Svaje hałasy hierojam multfilma padaravali biełaruskija akciory Śviatłana Cimochina, Śviatłana Anikiej, Natalla Kot, Pavał Charłančuk, Aleś Małčanaŭ i televiadučy Jaŭhien Pierlin.
«Rybka Pońjo» — dziasiaty pa liku poŭnamietražny film Chajao Mijadzaki, uładalnika «Oskara» za vydatnyja zasłuhi ŭ kiniematohrafie i aŭtara takich znakamitych rabot, jak «Źniesienyja pryvidami» i «Chadziačy zamak».
Padrabiaznaści na sajcie kinakong.by.
Kvitki na pakazy možna kupić anłajn i ŭ kasach kinateatraŭ
Kamientary