Partuhalski futbalist Kryšcijanu Ranałdu ŭ novym siezonie budzie hulać za italjanski kłub «Juvientus». Pahadnieńnie ab pierachodzie było padpisana ź jaho ciapierašnim kłubam «Reał Madryd».
Pavodle ŭmoŭ kantrakta, 34-hadovy napadajučy praviadzie ŭ «Juvientusie» 10 hadoŭ.
Napadajučy patłumačyŭ, čamu vyrašyŭ pierajści z madrydskaha «Reała» ŭ turynski «Juvientus». Słovy forvarda pryvodziacca na sajcie kłuba.
«Mnie zdajecca, nastaŭ čas adkryć novy etap u maim žyćci, tamu ja paprasiŭ kłub adpuścić mianie. Prašu ŭsich zaŭziataraŭ zrazumieć mianie. Fanaty byli nievierahodnyja ŭsie dzieviać hadoŭ. Heta byli unikalnyja dzieviać hadoŭ. Heta było zachaplalny čas, choć i ciažki, bo ŭ «Reała» zaŭsiody byli vysokija patrabavańni», — napisaŭ Ranałdu ŭ raźvitalnym pasłańni.
U składzie «Reała» Ranałdu čatyry razy zavajoŭvaŭ samy prestyžny kłubny kubak Jeŭropy — Lihu čempijonaŭ, adnak, jak paviedamlajecca, jaho adnosiny z prezidentam kłuba Fłarencina Pieresam byli naciahnutymi.
Dakładnaja suma kantrakta pakul nie abvieščanaja, ale, jak čakajecca jana moža stać rekordnaj za ŭsiu historyju futboła.
U kancy 2017 hoda Ranałdu ŭ piaty raz u svajoj karjery vyjhraŭ «Załaty miač».
Ranałdu vyjhravaŭ «Załaty miač» u 2008 hodzie (tady jon hulaŭ za «Mančestar Junajted»), u 2013-m, u 2014-m i 2016 hadach, a taksama nieadnarazova naminavaŭsia na hetuju premiju.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary