Prakuror zapatrabavaŭ dla žurnalista Hałko try hady pazbaŭleńnia voli
Dziaržabvinavaŭca zapatrabaŭ dla žurnalista Dźmitryja Hałko, jaki abvinavačvajecca ŭ hvałcie ŭ dačynieńni da supracoŭnika orhanaŭ unutranych spraŭ, 3 hady pazbaŭleńnia voli.
— Prašu ŭličyć stanoŭčyja charaktarystyki Hałko i ŭličyć, što jon nie staić na ulikach. U suviazi z hetym prašu sud pryznać Hałko vinavatym u ździajśnieńni złačynstva pa artykule 364 i prysudzić da troch hadoŭ pazbaŭleńnia voli, — začytała dziaržabvinavaŭca.
Advakat Hałko padčas sudovaha pasiedžańnia začytała niekalki charaktarystyk ad byłych pracadaŭcaŭ padsudnaha: niekalkich haziet i Biełaruskaj asacyjacyi žurnalistaŭ.
- U charaktarystycy z «Ekanamičnaj haziety» havorycca, što da vykanańnia svaich słužbovych abaviazkaŭ stavicca adkazna, dyscyplinavany, nijakich dyskusij, akramia hazietnaj tematyki, nie vioŭ. Charaktarystyka z «Novaha času»: u haziecie jon pracavaŭ z 2009 pa 2013 hod, zajmaŭsia temaj, źviazanaj z hramadzianskimi aktyvistami, ukrainskaj tematykaj, trapiŭ va Ukrainie ŭ pałon, - začytała advakat.
Dziaržabvinavaŭca začytała dadzienyja śledstva. Zhodna ź imi, padsudny pakazaŭ, što supraciŭleńnia nie akazvaŭ, udary milicyjantam nie nanosiŭ.
— Ale z pakazańniaŭ śviedki Čyrkova stała viadoma, što Hałko adčyniŭ dźviery ŭ stanie ałkaholnaha apjanieńnia, a kali Čyrkoŭ pakazaŭ svajo paśviedčańnie, kab prajści ŭ kvateru, Hałko staŭ chapać jaho za słužbovaje abmundziravańnie, i abodva apynulisia na padłozie ŭ kvatery. Hałko łajaŭsia niecenzurna, vyšturchvaŭ Čyrkova z pakoja. Abvinavačany nanios Čyrkovu ŭdar pa ruce, kali toj sprabavaŭ vyklikać pa telefonie padmacavańnie. Paśla hetaha ŭ pakoj uvajšoŭ syn Hałko Jan i staŭ nanosić udary Čyrkovu. Čyrkoŭ zvaliŭsia na padłohu i Hałko udaryŭ jaho jašče niekalki razoŭ. Čyrkoŭ taksama bačyŭ, jak Hałko parvaŭ kurtku Kazanoŭskamu — toj znachodziŭsia ŭ cyvilnym adzieńni, — začytała dziaržabvinavaŭca.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina19
Kamientary