U pravincyi Albierta projdzie pieršasny refierendum ab mahčymym adździaleńni ad Kanady
Apytańni hramadskaj dumki pakazvajuć, što bolšaść žycharoŭ Albierty prahałasavała b suprać adździaleńnia.
Albierta ŭ kastryčniku praviadzie refierendum pra toje, ci pavinna pravincyja zastavacca ŭ składzie Kanady abo pierajści da druhoha abaviazkovaha hałasavańnia ab adździaleńni, što aznačaje pieršy značny test adzinstva krainy za dziesiacihodździ, piša Bi-bi-si.
Abviestku ŭ čaćvier zrabiła premjer pravincyi Daniel Śmit paśla taho, jak inicyjatyŭnaja hramadzianskaja pietycyja z patrabavańniem adździaleńnia sabrała bolš za 300 000 podpisaŭ u pačatku hoda, a asobnaja pietycyja za zachavańnie Albierty ŭ składzie krainy — bolš za 400 000.
U bahataj na naftu pravincyi raście ruch za niezaležnaść, zasnavany na daŭnim adčuvańni, što Albierta niedaaceńvajecca rašeńniami ŭ Atavie.
Adnak apytańni hramadskaj dumki pakazvajuć, što bolšaść žycharoŭ Albierty prahałasavała b suprać adździaleńnia.
Pravincyjny refierendum pryznačany na 19 kastryčnika, paviedamiła premjer.
Śmit u telezvarocie skazała, što pytańnie, jakoje budzie vyniesiena na hałasavańnie hetaj vosieńniu, hučyć tak: «Ci pavinna Albierta zastavacca pravincyjaj Kanady, ci ŭrad Albierty pavinien pačać jurydyčnuju praceduru, nieabchodnuju pavodle Kanstytucyi Kanady, kab pravieści abaviazkovy pravincyjny refierendum pra toje, ci varta Albiercie adździalicca ad Kanady?»
Premjer zajaviła, što sama prahałasuje za toje, kab Albierta zastałasia ŭ składzie Kanady.
«Mienavita tak ja b prahałasavała na refierendumie ab adździaleńni», — skazała jana, dadaŭšy, što heta taksama pazicyja jaje ŭrada i frakcyi. Adnak jana adznačyła, što «hłyboka zaniepakojenaja» sudovym rašeńniem, u jakim sudździa ŭ Albiercie adchiliŭ pietycyju ab refierendumie paśla taho, jak hrupy karennych narodaŭ zajavili, što ich nie naležnym čynam kansultavali, što parušyła ich pravy.
Heta spyniła pravierku podpisaŭ pad pietycyjaj, pakinuŭšy mahčymaść refierendumu ŭ padviešanym stanie.
«Jak premjer, ja nie dazvolu jurydyčnaj pamyłcy adnaho sudździ zahłušyć hałasy sotniaŭ tysiač žycharoŭ Albierty», — skazała Daniel Śmit. — Budučyniu Albierty buduć vyrašać žychary Albierty, a nie sudy».
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary71
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć2929
Kamientary
Adzin čas była prahrama "Alberta is calling" kab pryciahnuć ludziej ź inšych pravincyj. Ale zaraz prychilniki sieparatyzmu taksama i suprać imihracyi.
Niezrazumieła, dyk čaho ž vy chočacie? Bolš ludziej žyvie ŭ pravincyi = bolš čalcoŭ parłamientu pajedzie ŭ Atavu, kab vas durnioŭ pradstaŭlać.
Vy pierabolšvajecie, kaniečnie kolkaść nasielnictva paŭpłyvaje. Ŭ "elitnych" Antaryjo i Kvebieku tyja ž samyja 121000 čałaviek na deputata, jak i ŭ Albiercie. Tolki ŭ zusim małych pravincyjach mienš, ale jany nie tak mocna ŭpłyvajuć na vybary.
I navat kali tak, to chiba razvalić krainu heta dobraje rašeńnie?
Treba tady pierahladać kolkaść deputataŭ, a nie adździalacca. Daniel padymaje hetaje pytańnie?
Albierta taksama atrymoŭvaje federalnyja hrošy - na ich pabudavali Transmountain pipeline.
Ci vy majecie na ŭvazie Equalization payments? Nu budzie ŭ vas kiepska z hrašyma - i vy atrymajecie.
Z takoj łohikaj možna dajści da "Fort McMurray kormić usiu Albiertu - treba adździalacca!"