Adzin ź miedycynskich centraŭ Minska prapanuje baćkam nadrukavać 3D-madel budučaha dziciaci
Upieršyniu ŭ Biełarusi budučym baćkam prapanujuć unikalnuju pasłuhu druku trochmiernaj madeli ich budučaha dziciaci, vykananuju pa realnych zdymkach płoda paśla praviadzieńnia vysakajakasnaj ultrahukavoj dyjahnostyki pry ciažarnaści.
Prajekt dazvalaje budučym baćkam nie tolki ŭbačyć budučaje niemaŭlatka na ekranie ultrahukavoha aparata, ale i patrymać jaho ŭ rukach jašče da momantu źjaŭleńnia na śviet.
Pryčym u miedcentry apielujuć da zamiežnaha dośviedu: maŭlaŭ, u šmat jakich krainach śvietu vyrab 3D-madelaŭ płoda ŭžo nie vyklikaje ździŭleńnia i źjaŭlajecca papularnaj i zapatrabavanaj pasłuhaj siarod budučych baćkoŭ.
«Taki niezvyčajny farmat dazvolić usim achvotnym zachavać pamiać ab važnym i cikavym etapie farmiravańnia novaha žyćcia. Taksama 3D-druk dazvalaje budučym baćkam z prablemami zroku «ŭbačyć» svajho budučaha małoha praz dotyk», — ličać u miedcentry.
Možna nadrukavać madeli budučych niemaŭlat roznych pamieraŭ — 5, 15 i 20 santymietraŭ vyšynioj, ale buduć uličvacca i pažadańni budučych baćkoŭ. Košt vyrabu składzie ad 90 da 390 rubloŭ.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary