Адзін з медыцынскіх цэнтраў Мінска прапануе бацькам надрукаваць 3D-мадэль будучага дзіцяці
Упершыню ў Беларусі будучым бацькам прапануюць унікальную паслугу друку трохмернай мадэлі іх будучага дзіцяці, выкананую па рэальных здымках плода пасля правядзення высакаякаснай ультрагукавой дыягностыкі пры цяжарнасці.
Праект дазваляе будучым бацькам не толькі ўбачыць будучае немаўлятка на экране ультрагукавога апарата, але і патрымаць яго ў руках яшчэ да моманту з'яўлення на свет.
Прычым у медцэнтры апелююць да замежнага досведу: маўляў, у шмат якіх краінах свету выраб 3D-мадэляў плода ўжо не выклікае здзіўлення і з'яўляецца папулярнай і запатрабаванай паслугай сярод будучых бацькоў.
«Такі незвычайны фармат дазволіць усім ахвотным захаваць памяць аб важным і цікавым этапе фарміравання новага жыцця. Таксама 3D-друк дазваляе будучым бацькам з праблемамі зроку «ўбачыць» свайго будучага малога праз дотык», — лічаць у медцэнтры.
Можна надрукаваць мадэлі будучых немаўлят розных памераў — 5, 15 і 20 сантыметраў вышынёй, але будуць улічвацца і пажаданні будучых бацькоў. Кошт вырабу складзе ад 90 да 390 рублёў.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары