Biełstat: Haspadary pryvatnych damoŭ pavinny ŭstalavać tablički z adrasam, kab dapamahčy pierapisu nasielnictva
U Miensku praciahvajecca padrychtoŭka da budučaha pierapisu. Śpiecyjalisty hałoŭnaha statystyčnaha Upraŭleńnia horada Minska praviarajuć najaŭnaść na damach žyłoha fondu anšłahaŭ z ukazańniem nazvy vulicy i numaroŭ damoŭ, a taksama najaŭnaść na padjezdach šyldaŭ z ukazańniem numaroŭ kvater u ich, piša MinskNews.
Ŭstanoŭkaj anšłahaŭ ŭ žyllovym fondzie, jaki absłuhoŭvajecca ŽES, zajmajucca žyllova-kamunalnyja słužby rajonaŭ horada.
A voś ułaśnikam pryvatnych damoŭ, viedamasnych damoŭ i tych, jakija znachodziacca na samaabsłuhoŭvańni, anšłahi nieabchodna ŭstalavać samastojna, udakładnili ŭ Hałoŭnym statystyčnym kiravańni h. Minska. Naviadzieńnie paradku ŭ adrasnaj haspadarcy nie tolki dapamoža paśpiachovamu praviadzieńniu pierapisu. Heta taksama pasłužyć palapšeńniu apieratyŭnaści raboty roznych avaryjnych słužbaŭ horada, kamunalnikaŭ, chutkaj miedycynskaj dapamohi, dy i nabirajučaj papularnaści dastaŭki tavaraŭ.
Pierapis nasielnictva Respubliki Biełaruś projdzie ŭ kastryčniku 2019 hoda. Jak i ŭ bolšaści krain, pa rekamiendacyi AAN u Biełarusi jana pravodzicca adzin raz u 10 hadoŭ. Vyniki pierapisu źjaŭlajucca najvažniejšaj padstavaj dla raspracoŭki dziaržaŭnych prahnozaŭ i prahram sacyjalna-ekanamičnaha raźvićcia krainy, vyvučeńnia vykarystańnia pracoŭnych resursaŭ.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary