Sioleta sud Rečyckaha rajona razhledzieŭ spravu ŭ dačynieńni da žychara rajona i abvinavačvańnia jaho ŭ piedafilii. Mužčyna prysudžany da 14 hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu, paviedamlajuć «Mocnyja naviny».
Jak stała viadoma, jašče ŭ 1984 hodzie mužčyna zhvałciŭ svaju dačku i jaje siabroŭku. Pry hetym baćki siabroŭki napisali zajavu ŭ milicyju, a žonka admoviłasia. Tady mužčynu asudzili na try hady pazbaŭleńnia voli. Kali jon vyjšaŭ ź miescaŭ źniavoleńnia, to viarnuŭsia ŭ hetuju ž siamju.
Letaś ža śledčym stała viadoma, što na praciahu niekalkich hadoŭ jon hvałtavaŭ svaich čatyroch małaletnich unučak. Kali hetyja fakty vyjavilisia i mužčyna zrazumieŭ, što jamu pahražaje kryminalny artykuł, jon pasprabavaŭ źjechać u Rasiju ŭ Novasibirsk da svajakoŭ. Pry hetym u adjeździe jamu iznoŭ dapamahała žonka, to bok babula tych samych dziaŭčynak. Supracoŭniki milicyi źniali padazravanaha ŭžo ź ciahnika ŭ Homieli.
U rajonnaj prakuratury raspaviali, što na momant ździajśnieńnia hvałtoŭnych dziejańniaŭ u dačynieńni da ŭnučak dziaduli było krychu bolš za 60 hadoŭ, a dziaŭčynkam ad 10 da 14 hadoŭ. Ahułam pa hetaj spravie prachodziła piać paciarpiełych: čatyry ŭnučki piedafiła i dačka.
Kamientary