ale zdoleła adabrać ačko ŭ kamandy, jakaja ŭvachodzić u hrupu lideraŭ.
U čempijanacie Kantynientalnaj chakiejnaj lihi minskaje «Dynama» znoŭ zdoleła adabrać ačko ŭ kamandy, jakaja ŭvachodzić u hrupu lideraŭ.
15 listapada padapiečnyja Vasila Śpirydonava pa bulitach sastupili ŭ Mahnitahorsku «Mietałurhu», jaki zajmaje treciaje miesca ŭ ahulnaj tablicy, — 3:4. Asnoŭny i dadatkovy čas zaviaršyŭsia ŭničyju 3:3, u sieryi bulitaŭ macniejšymi byli haspadary — 2:1. Biełaruskija chakieisty prajhravali 0:2 i 1:3, ale za čatyry siekundy da kanca treciaha pieryjadu zraŭnavali lik, zamianiŭšy hałkipiera šostym palavym hulcom. Vyznačyŭsia navičok «Dynama» Rychard Lintnier sa Słavakii. Varoty mahnitahorcaŭ abaraniaŭ były varatar biełaruskaj zbornaj Andrej Miezin.
U asnoŭny čas šajby zakinuli: u «Dynama» — Lintnier (11.02, 59.56), Dziamahin (55.27), u «Mietałurha» — Kudrna (0.42), Puškaroŭ (7.28), Čystoŭ (17.40). U sieryi bulitaŭ zakinuli Lintnier («Dynama»), Kajharodaŭ i Mirnaŭ («Mietałurh»), nie zakinuli Kułakoŭ, Bałmočnych («Dynama») i Marak («Mietałurh»), paviedamlaje sajt KCHŁ.
13 listapada ŭ Myciščach «Dynama» ŭ dadatkovy čas sastupiła «Atłantu», jaki znachodzicca na pieršym miescy, ź likam 1:2.
Paśla 25 matčaŭ u «Dynama» 22 ački i 22‑ie miesca ŭ ahulnaj tablicy.Kamanda atrymała piać pieramoh u asnoŭny čas, adnu — u oviertajmie, adnu — pa bulitach, dva razy prajhrała pa bulitach, adzin — u oviertajmie i 15 razoŭ u asnoŭny čas, zakinuła 50 i prapuściła 88 šajbaŭ.
Nastupny matč «Dynama» praviadzie 17 listapada ŭ Čelabinsku suprać «Traktara».
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary