Vypłaty pry ciažarnaści i rodach: jakija jość, chto maje prava, jak atrymać 

1) Materyjalnaja dapamoha pa ciažarnaści i rodach

Pa sutnaści, dadzienaja vypłata — heta apłata balničnaha. Z 30 tydnia ciažarnaści žančyna atrymlivaje list niepracazdolnaści pa ciažarnaści, jaki dziejničaje jašče 56 dzion paśla rodaŭ. Adpaviedna na materyjalnuju dapamohu pa ciažarnaści i rodach moža raźličvać tolki žančyna, jakaja pracuje albo vučycca, ci aficyjna zarehistravana ŭ jakaści biespracoŭnaj. Pry hetym stać na ŭlik pa biespracoŭi nieabchodna ŭ termin da 12 tydniaŭ ciažarnaści.

Pamier dapamohi pa ciažarnaści i rodach raźličvajecca ŭ adpaviednaści ź siaredniamiesiačnym zarobkam žančyny. Jana vypłačvajecca adnarazova za ŭvieś pieryjad, adznačany ŭ liście niepracazdolnaści.

2) Materyjalnaja dapamoha žančynam pry pastanoŭcy na ŭlik na rańnich terminach (da 12 tydniaŭ)

Dla taho, kab atrymać dadzienuju dapamohu, žančynie nieabchodna ŭ termin da 12 tydniaŭ ciažarnaści stać na ŭlik u žanočaj kansultacyi i da samych rodaŭ vykonvać usie pradpisańni i rekamiendacyi daktaroŭ. Tym, chto nie paśpieŭ stać na ŭlik u dadzieny termin, dapamoha nie vypłačvajecca.

Pamier dadzienaj vypłaty składaje 100% biudžetu pražytkovaha minimumu (BPM). Z 1 žniŭnia 2018 hoda jon roŭny 213,67 rubloŭ

3) Materyjalnaja dapamoha ŭ suviazi z naradžeńniem dziciaci

Vypłačvajecca pry naradžeńni kožnaha dziciaci. Pryčym materyjalnaja dapamoha pry naradžeńni druhoha i kožnaha nastupnaha dzicionka bolšaja, čym dapamoha pry naradžeńni pieršynca. Dla atrymańnia dadzienaj dapamohi nieabchodny pakiet dakumientaŭ padajecca na miesca pracy maci / baćki albo ŭ orhany sacyjalnaha strachavańnia pa miescy žycharstva (kali mama i tata biespracoŭnyja). Dapamoha naličvajecca ciaham 10 dzion paśla zvarotu i vypłačvajecca adnarazova ŭ nastupnym miesiacy ŭ dzień vypłaty zarobku.

Pamier materyjalnaj dapamohi ŭ suviazi z naradžeńniem dziciaci składaje:

• pry naradžeńni pieršaha dziciaci — 10 biudžetaŭ pražytačnaha minimumu. Z 1 žniŭnia 2018 hoda heta roŭna 2 136,70 biełaruskim rublam.
• pry naradžeńni druhoha i kožnaha nastupnaha — 14 biudžetaŭ pražytačnaha minimumu. Z 1 žniŭnia 2018 hoda heta roŭna 2 991,38

4) Štomiesiačnyja dekretnyja vypłaty

Vypłačvajucca žančynie ŭ pieryjad jaje znachodžańnia ŭ adpačynku pa dohladzie dziciaci da dasiahnieńnia im 3 hod. U vypadku, kali žančyna nie karystajecca svaim pravam na dadzieny adpačynak, jon moža być aformleny na inšaha člena siamji albo rodziča. Adpaviedna i dekretnyja vypłaty ŭ takim vypadku budzie atrymlivać toj, chto na kaho afarmlajecca dekretny adpačynak.

Kali siamja poŭnaja, to vypłaty pryznačajucca pa miescy pracy (vučoby, słužby) maci. Kali maci nie pracuje i nie vučycca, tady dapamoha pryznačajecca pa miescy pracy albo vučoby baćki. Va ŭsich astatnich vypadkach dapamoha pryznačajecca i vypłačvajecca orhanami pa pracy, zaniataści i sacyjalnaj abaronie nasielnictva.

Kab atrymać dadzienuju dapamohu, nieabchodna padać adpaviedny pakiet dakumientaŭ pa miescy pracy maci / baćki albo ŭ orhany sacyjalnaha strachavańnia. Dapamoha pryznačajecca z nastupnaha paśla naradžeńnia dziciaci dnia. Vypłačvajecca ŭ biahučym miesiacy za biahučy pieryjad.

Dapamoha pa dohladzie dziciaci da 3-ch hod składaje:

• na pieršaje dzicia — 35 % siaredniaj zarabotnaj płaty. Z 1 žniŭnia 2018 hoda heta 329,04 biełaruskich rubli
• na druhoha i nastupnych — 40% siaredniaj zarabotnaj płaty. Z 1 žniŭnia 2018 hoda heta 376,04 biełaruskija rubli.

5) Štomiesiačnaja dapamoha na dziaciej va ŭzroście ad 3-ch da 18 hod u pieryjad vychavańnia dziciaci va ŭzroście da 3 hod

U vypadku, kali žančyna znachodzicca ŭ adpačynku pa dohladzie za dziciem va ŭzroście da 3 hadoŭ i maje jašče dziaciej va ŭzroście ad 3-ch da 18-ci, to jana štomiesiac atrymlivaje materyjalnuju dapamohu na kožnaje dzicia va ŭzroście ad 3-ch da 18-ci hod, pakul małodšamu nie spoŭnicca 3 hady. Dapamoha vypłačvajecca štomiesiačna.

Pamier dadzienaj dapamohi składaje 50% biudžetu pražytačnaha minimumu. Z 1 žniŭnia 2018 hoda heta 106,84.

Ci maje prava na materyjalnuju dapamohu biespracoŭnaja

Biespracoŭnaja žančyna (kali jana nie zarehistravanyja ŭ statusie biespracoŭnaj) nie moža atrymać tolki adnu ź pieraličanych vypłat — materyjalnuju dapamohu pa ciažarnaści i rodach. Usie astatnija vypłaty, kali baćka dziciaci pracaŭładkavany, naličvajucca i vypłačvajucca pa miescy pracy baćki. Kali ž ciažarnaja źjaŭlajecca maci-adzinočkaj albo ŭ poŭnaj siamji aboje baćki biespracoŭnyja, to vypłaty pryznačajucca i vypłačvajucca orhanami pa pracy, zaniataści i sacyjalnaj abaronie nasielnictva.

Vypłaty na dziaciej pry pražyvańni za miažoj

U adpaviednaści z zakanadaŭstvam, dziaržaŭnyja vypłaty na dziaciej, jakija pražyvajuć za miežami Biełarusi, nie pryznačajucca. Vyklučeńnie składajuć dzieci, čyje baćki pracujuć u dypłamatyčnych pradstaŭnictvach i konsulskich ustanovach krainy.

Akramia taho ŭ vypadku vyjezdu dziciaci za miažu na termin bolšy za 2 miesiacy vypłata štomiesiačnaj dapamohi pa dohladzie za dziciom spyniajecca.

Taksama nie pryznačajecca i nie vypłačvajecca dziaržaŭnaja dapamoha na dziaciej va ŭzroście ad 3-ch da 18 hod u pieryjad vychavańnia dziciaci va ŭzroście da 3 hadoŭ, kali dzieci va ŭzroście ad 3-ch da 18-ci hadoŭ znachodziacca za miežami Biełarusi.

Heta asnoŭnyja źviestki pra toje, na jakuju materyjalnuju dapamohu mohuć raźličvać biełaruskija žančyny pry ciažarnaści i rodach. Bolš padrabiaznuju infarmacyju pa temie možna znajści na aficyjnym sajcie Ministerstva pracy i sacyjalnaj abarony Respubliki Biełaruś. Tut ža možna adsočvać źmieny ŭ pamierach vypłat.

Niachaj ciažarnaść i rody praciakajuć pryjemna, a afarmleńnie adpaviednych vypłat nie pryniasie niepryjemnych siurpryzaŭ.

• 0
• 0
• 0
• 0
• 0
• 0
• 0
• 0