Jochanies Chan: Łukašenka pavinien naviedvać jeŭrapiejskija krainy

Pahadnieńnie ab pryjarytetach supracoŭnictva pamiž Biełaruśsiu i Jeŭrapiejskim sajuzam moža być padpisana ŭ 2018 hodzie. Pra heta ŭ prahramie «Kontury» telekanała ANT zajaviŭ jeŭrakamisar pa jeŭrapiejskaj palitycy susiedstva i pieramovach ab pašyreńni ES Jochanies Chan.

Pavialičyć

Minsk i Brusiel płanujuć padpisać pahadnieńnie ab pryjarytetach supracoŭnictva. Jochanies Chan vykazaŭ nadzieju, što heta adbudziecca sioleta. «My možam padpisać hetaje pahadnieńnie, kali pieraadolejem zaklučny etap pieramovaŭ. Mnie zdajecca, što možam zrabić heta davoli chutka. Dla hetaha patrebien apošni šturšok ź biełaruskaha boku», — skazaŭ jon.

Hetaje pahadnieńnie praduhledžvaje inviestycyi ŭ ekanamičnaje raźvićcio Biełarusi z ulikam intaresaŭ Jeŭrasajuza. «Nam važna mieć mocnuju ekanomiku pa susiedstvie, razumieć, što ŭ susiedziaŭ stvoranyja dobryja ŭmovy dla žyćcia hramadzian», — dadaŭ jeŭrakamisar.

Pavodle jaho słoŭ, uviadzieńnie 30-dzionnaha biaźvizavaha znachodžańnia zamiežnych hramadzian u Biełarusi stanoŭča paŭpłyvaje jak na ekanamičnaje raźvićcio krainy, tak i na jaje adnosiny ź Jeŭrasajuzam. «Heta jašče adna važnaja častka našych adnosin. Kali heta budzie ŭzmocniena pahadnieńniem ab pryjarytetach supracoŭnictva, razumieńnie pamiž bakami budzie značna palepšana», — reziumavaŭ Jochanies Chan.

Miž tym, jon uchiliŭsia ad adkazu na pytańnie ab tym, što Biełaruś čakaje ad ES krokaŭ u adkaz na ŭviadzieńnie biaźvizavaha režymu.

Było zadadziena i takoje pytańnie:

— Prezident Biełarusi pryniaŭ zaprašeńnie premjer-ministra Aŭstryi naviedać krainu ź vizitam. Jak z Brusela hladziać na takija kroki?

Jochanies Chan: «Ja pačaŭ (ci lepš skazać adnaviŭ) adnosiny ź Biełaruśsiu ŭ 2015 hodzie. Kali ja byŭ tam pieršy raz, ja byŭ pieršym kamisaram na toj momant za piać hadoŭ, i staŭ tym palitykam, jaki vystupiŭ za palapšeńnie adnosin pamiž Biełaruśsiu i ES. Heta vielmi łahična: prezident Łukašenka pavinien naviedvać jeŭrapiejskija krainy. Bo kali ludzi razmaŭlajuć adzin z adnym, jany paznajuć adzin adnaho lepš, jany razumiejuć adzin adnaho lepš. I ŭzrovień adnosin pamiž dziaržavami pavinien być takim — i tamu ja mahu tolki padtrymlivać ŭmacavańnie davieru i takoha rodu dypłamatyju».

— Ale kali adbudziecca hety vizit?

Jochanies Chan: «U Aŭstryju? Ja, viadoma, aŭstryjski hramadzianin, ale ja jeŭrapiejski čynoŭnik, i ja starajusia nie ŭmiešvacca ŭ dvuchbakovyja adnosiny. Adnak skažu znoŭ, kali b heta ni adbyłosia, ja mahu heta tolki vitać».

• 0
• 0
• 0
• 0
• 0
• 0
• 0
• 0