Na hetym tydni atmasfera pačnie pierastrojvacca na zimovy ład, kali ŭsio čaściej budzie iści śnieh, a ŭnačy i ŭdzień istotna padmarožvać.
U aŭtorak nadvorje budzie vyznačać zona pavyšanaha cisku, tamu biez apadkaŭ, a tempieratura pavietra ŭdzień ad minus 3 da plus 3 hradusaŭ.
Ź sierady da nas zavitaje atłantyčny cykłon, tamu nadvorje budzie vielmi niaŭstojlivym. Unačy pa zachadzie, a ŭdzień paŭsiudna śnieh, mokry śnieh i nievialikaja zavirucha. Na darohach miescami hałalodzica. Tempieratura ŭnačy 1—8 marozu, udzień ad minus 3 da plus 2 hradusaŭ.
U čaćvier krychu paciapleje, ale nadvorje stanie zusim nie kamfortnym. Unačy čakajecca śnieh, mokry śnieh, miescami miacielica, udzień — doždž, mokry śnieh, słaby hałalod, na darohach — hałalodzica, uzmacnieńnie vietru da 15—20 m/s. Tempieratura pavietra ŭnačy ad minus 4 da plus 2 hradusaŭ, udzień ad 0 da plus 5.
U piatnicu časam miescami budzie isci doždž i mokry śnieh, zachavajecca słaby hałalod, a na darohach hałalodzica. Tempieratura pavietra ŭnačy ad minus 4 da plus 2, udzień minus 1 plus 4 hradusy.
Zhodna z doŭhaterminovymi prahnozami, na vychadnyja čakajecca dalejšaje paharšeńnie nadvorja. Častkova praz našu krainu projdzie paŭdniovy cykłon, ale ŭ toj ža čas da nas zavitaje arktyčnaje pavietra sa Skandynavii. Tamu ŭ subotu—niadzielu čakajecca śnieh, hałalod, słabaja miacielica, na darohach hałalodzica. Tempieratura pavietra ŭ subotu na praciahu sutak ad 0 da 6 marozu, pa ŭschodzie da 3 ciapła. U niadzielu na praciahu sutak 1—6 marozu, unačy pry prajaśnieńniach da minus 9.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»2
Kamientary