Tusoŭščykaŭ z Zybickaj apoŭnačy raźvieźli pa damach na śpiecyjalnych aŭtobusach FOTY
14 vieraśnia ŭ Suśvietny dzień adkaznaha spažyvańnia «Alivaryja» zapuściła biaspłatnyja aŭtobusy ad samych tusovačnych vulic Minska ŭ addalenyja spalnyja rajony. Maršrutnyja aŭto ad Zybickaj, Revalucyjnaj i Kastryčnickaj viarnuli dadomu da 00:00 bolš za 100 zaŭsiodnikaŭ staličnych baraŭ — tych, chto pryniaŭ rašeńnie ŭ hetuju piatnicu pić z rozumam i kab biez prablem na nastupny dzień.
Dzień adkaznaha spažyvańnia piva (Global beer responsibility day) adznačajuć štohod u siaredzinie vieraśnia. Akcyja źviartaje ŭvahu na kulturu pićcia: ad kolkaści kuflaŭ u pabie za viečar da «zabarony» zasiedžvacca paśla apoŭnačy. Mierapryjemstvy, prymierkavanyja da hetaha dnia, prachodziać u 62 krainach, u tym liku ŭ Niamieččynie, Aŭstryi, Bielhii. U Biełarusi kulturu adkaznaha spažyvańnia piva dapamahaje farmavać pivavarnaja kampanija «Alivaryja».
«Sioleta ŭ dzień adkaznaha spažyvańnia piva «Alivaryja» vyrašyła nahadać usim biełarusam, što zabaŭlacca treba ŭmierana, a adzin sa sposabaŭ kantralavać siabie — nie zasiedžvacca z kuflem paśla 00:00, — raspaviadaje Natalla Žuk, viadučy śpiecyjalist pa karparatyŭnych kamunikacyjach «Alivaryi». — My ŭžo treci hod zapar padtrymlivajem Suśvietnuju akcyju i imkniomsia źnizić da nula biezadkaznaje spažyvańnie siarod biełarusaŭ ciaham usich 365 dzion, što jość u hodzie».
Šeść aŭtobusaŭ «Alivaryja-łajns» ad troch tusovačnych vulic adpravilisia roŭna ŭ 23:00, kab užo da apoŭnačy viarnuć biełarusaŭ dadomu. Pasadka prachodziła pa žyvoj čarzie, u kožnym aŭtobusie svaje miescy zaniali kala 20 čałaviek. Kursiravali aŭtobusy «Alivaryja-łajns» pa «zialonaj» linii mietro, prypynki rabili mienavita tam, dzie źjaviacca novyja stancyi.
«Kanduktaram» na adnym z rejsaŭ stała papularnaja televiadoŭca i błohierka Hanna Bond. Pierad pasadkaj jana prapanoŭvała pasažyram prajści test na ŭtrymańnie ałkaholu ŭ kryvi, i ź cikavaściu adznačyła, što kožnuju hadzinu Zybickaja pjanieje dzieści na adnu pramile — a heta nie mienš za kuchal (0,5 ł) piva!
Za nul biezadkaznaha spažyvańnia taksama ŭ hety dzień vystupili adrazu 25 ustanoŭ Zybickaj, Kastryčnickaj, Revalucyjnaj. Jany dapoŭnili svajo mieniu infarmacyjaj pra GBRD i akcyi ad «Alivaryi», a roŭna apoŭnačy zrabili muzyku krychu cišej, kab nahadać usim naviedvalnikam pra važnaść ŭmieranaha spažyvańnia.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary