Ukrainki i biełarus razmaŭlajuć na svaich movach. Pasłuchajcie, ci jany adno adnaho razumiejuć?
Prahrama «Viaskoŭcy» telekanała «Biełsat» raspaviadaje pra žančynu, jakaja maryła być artystkaj i śpiavać na vialikaj scenie, ale stała hruzčycaj i musiła ciahać miaški ŭ kałhasie.
Viadoŭca prahramy Viktar Šukiełovič admysłova pajechaŭ na rovienskaje Paleśsie va Ukrainie, kab spatkacca z samabytnaj śpiavačkaj narodnych piesień Daminikaj Čekun, unikalny styl vykanańnia jakoj zavarožvaje. Spadarynia Daminika raspaviała, što z malenstva chacieła stać estradnaj śpiavačkaj i davać kancerty, ale ŭ 16 hadoŭ musiła pajści pracavać u kałhas. Spačatku ŭručnuju daiła karoŭ na fiermie, a potym, kali vyjšła zamuž i zarablała hrošy na novy dom, pajšła pracavać hruzčycaj. Na svaich plačach jana pieraciahała sotni tonaŭ zbožža.
Viktar paznajomiŭsia taksama z babulaj Pałažkaj, jakaja błasłaviła jaho znajści dobruju žonku. Spadarynia raspaviała, što kaliści za adzin dzień prachodziła 80 kiłamietraŭ, kab zakupicca ŭ Pinsku i viarnucca nazad.
Viadoŭca prahramy rychtavaŭ korm dla karovy, sprabavaŭ adramantavać abarvany elektryčny drot, a potym razam sa svajmi novymi ŭkrainskimi znajomymi śpiavaŭ pieśniu, jakuju viedajuć jak va Ukrainie, hetak i ŭ Biełarusi.
Daŭniejšyja pieśni ŭ stanie ścisła pieradać źmiest cełych ramanaŭ, raspavieści pra ludskija losy i raskryć žyćciovyja dramy. Naprykład, Viktar pačuŭ va Ukrainie pieśniu pra Kaciarynu, jakaja pakinuła muža, dziaciej, zabrała ceły kufar rečaŭ, kažuch, i «paciahałasia z maskalami».
Viktar vyśviatlaŭ, jak va Ukrainie ŭsprymajuć Biełaruś i ci chacieli b ukrainskija viaskoŭcy tudy pierasialicca.
Prahramu «Viaskoŭcy» možna hladzieć kožnuju sieradu a 18:35 na telekanale «Biełsat» praz spadarožnik «Astra 4A» (raniejšaja nazva «Sirius 4»), anłajn abo ŭ zakładcy «Prahramy» na sajcie telekanała. A taksama ŭ Facebook.
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?4
Kamientary