32-hadovaja minčanka vyrašyła, što mierkavanuju supiernicu varta adpravić u turmu. Padrabiaznaści spravy raspavioŭ Illa Baśko, aficyjny pradstaŭnik Śledčaha kamiteta.
Adbyvałasia ŭsio jašče viasnoj, u krasaviku i mai. Maładaja žančyna płanavała «prybrać» supiernicu i dabicca kachańnia ad mužčyny.
Tamu jana pačała dziejničać: razasłała pa dziaržaŭnych instancyjach listy, jakija byli napisanyja ad imia byłoj žonki jaje kachanka. U listach byłaja žonka pryznavałasia, što nibyta maje dačynieńnie da handlu narkotykami.
Praŭda, kali spravaj zacikavilisia śledčyja, jany vielmi chutka zrazumieli, što pryznańni fejkavyja. Znajšli i ich aŭtarku. Ciapier jana sama moža adpravicca za kraty.
Na žančynu zaviali kryminalnuju spravu za paklop i łžyvy danos. A heta — da 3 hadoŭ pazbaŭleńnia voli.
Kamientary