Pierlin pra svaju prahramu: Heta samy hučny start biełaruskaha šou na telebačańni
Jaŭhien Pierlin, jaki staŭ viadučym novaha subotniaha viačerniaha šou na BT «Makajonka, 9», adkazaŭ praz mabilnuju prahramu INSYNC.BY na krytyku novaj prahramy ŭ internecie. Nahadajem, internet krytyčna ŭspryniaŭ novaje šou BT. Ludzi pakidali źjedlivyja kamientary nakont novaj prahramy, a kolkaść admoŭnych acenak na jutubie ŭ šmat razoŭ pieravyšaje kolkaść pazityŭnych acenak.
Čytajcie taksama:
Internet krytyčna pryniaŭ humarystyčnaje šou BT
Viktar Marcinovič: Što było b, kab Pierlin zaprasiŭ na svajo šou Makieja
Kurejčyk pra «Makajonka, 9»: Paśpiachovaje šou budzie tady, kali pieršy jaho žart budzie pra Łukašenku
Pierlin zajaviŭ, što prahrama — nie kłasičnaje light night show, a infarmacyjna-zabaŭlalnaje šou, pryčym «infarmacyjna» — na pieršym miescy. Piłotny vypusk byŭ źniaty bolš za hod tamu, jašče ŭ žniŭni 2017 hoda, adnak da efiru šou dajšło tolki ciapier.
Tvorčaja hrupa składajecca ŭsiaho z 15 čałaviek, ź ich žarty piša tolki 1 čałaviek — Andrej Makajonak.
Viadučy pryznaŭsia, što impravizacyi ŭ pieršym vypusku nie było. Usio zdymałasia pa scenary, pakolki «nie było času».
Taksama Pierlin adkazaŭ, što samy niaŭdały momant prahramy — masoŭka:
«Da samich ludziej, viadoma, nijakich pytańniaŭ niama. Prosta tak atrymałasia. My hety momant upuścili».
Šoumen raspavioŭ, što ŭ Biełteleradyjokampanii zadavolenyja startam, ale pryznajuć, što prahramu treba dapracoŭvać:
«Usie razumiejuć, što tam jašče praca i praca».
Pierlin pryznajecca, što niezadavoleny saboj u kadry. Tłumačyć heta tym, što hałava była zabitaja šmat jakimi pytańniami. Maŭlaŭ, umoŭny Urhant nie kłapocicca, ci pryjdzie hość i jak jaho sustrakajuć.
Krytyku šou viadučy ŭspryniaŭ pazityŭna:
«My čakali burnaj reakcyi. Usio adno, stanoŭčaj ci niehatyŭnaj. Usie, i ja, jaki pracavaŭ mnohija hady na Jeŭrabačańni, razumieli: biełarusaŭ nikoli chvalić biełarusy asabliva nie buduć».
Pierlin skazaŭ, što nastolki mocnaj reakcyi na svajo šou jany navat nie čakali:
«Heta samy hučny start biełaruskaha šou na telebačańni».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?4
Kamientary