Alaksandr Łukašenka raźličvaje, što čas pracy Michaiła Babiča na pasadzie pasła Rasii ŭ Biełarusi stanie pieryjadam roskvitu dvuchbakovych adnosin. Pra heta jon zajaviŭ siońnia na sustrečy z rasijskim dypłamatam, piša BiełTA
Kiraŭnik dziaržavy ŭ samym pačatku sustrečy adznačyŭ, što zvyčajna ŭ hetym vypadku kažuć niešta važnaje ci pratakolnaje. «Ale, napeŭna, było b śmiešna, kali b ja abmiežavaŭsia niejkaj pratakolnaj zajavaj abo vykazvańniem», — skazaŭ kiraŭnik krainy.
Alaksandr Łukašenka nahadaŭ, što da pryznačeńnia Michaiła Babiča na pasadu pasła byli roznyja razvahi na hety kont, publikacyi ŭ ŚMI.
«Napeŭna, reahujučy na toje, što skazana i napisana. Skazać, što tam niama praŭdy niejkaj doli, budzie niesumlenna. Kali skazać, što tam jość praŭda, taksama budzie niesumlenna. Kožnaja hrupa ludziej, jakija cikaviacca biełaruska-rasijskimi adnosinami, sprabavała prajecyravać praz asobu pasła … Tym bolš vy viedajecie, što vielmi doŭha pracavaŭ raniejšy pasoł, tema nie była aktualizavana ŭ Biełarusi. A tut pryznačeńnie novaha pasła. I ŭ siłu našych adnosin z Rasijskaj Fiederacyjaj praz asobu vašu sprabavała (taja ci inšaja hrupa ludziej) niešta vykazać», — zaŭvažyŭ kiraŭnik dziaržavy.
«Skažu ščyra, što bolš było niehatyvu. Dyk voś samaje hałoŭnaje, što ja chacieŭ skazać publična: nie dačakajucca! I, ščyra skažu, ja chacieŭ by, kab vaš pieryjad pracy ŭ pasolstvie našaj brackaj Rasii ŭ Biełarusi byŭ samym aktyŭnym, efiektyŭnym i praryŭnym.
Kali vy na heta nastrojeny, a ŭ mianie mienavita takoje ŭražańnie, što vy nastrojeny mienavita na takuju pracu, ličycie, što ŭ nas tak i atrymajecca. Heta budzie pieryjad samaha jarkaha roskvitu našych adnosin z Rasijskaj Fiederacyjaj», - padkreśliŭ biełaruski kiraŭnik.
Pavodle słoŭ Alaksandra Łukašenki, jaho ŭpeŭnienaść u hetym vynikaje z razmovy z Uładzimiram Pucinym.
«Ja heta nie chavaju — my abmiarkoŭvali, prytym nieadnarazova vašu kandydaturu. Prezident vielmi šmat mnie raskazvaŭ. I my vielmi ćviorda damovilisia, što, nadzialajučy pasła Rasii dadatkovymi paŭnamoctvami (a jany vielmi maštabnyja, u biełaruska-rasijskich adnosinach, pierš za ŭsio ŭ śfiery ekanomiki, čaho raniej nie byvała), prezident Rasii źviartaje ŭvahu ŭsich, što Biełaruś — heta najvažniejšaja siońnia kraina, ź jakoj Rasija budzie vybudoŭvać adnosiny», — skazaŭ kiraŭnik dziaržavy.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary