Biełaruskija Video Music Awards buduć uručanyja 14 śniežnia.
Arhanizatary pieršaj premii muzyčnaha videa kažuć, što siarod pretendentaŭ na pieramohu klipaŭ hurta «Lapis Trubiackoj» nia budzie: «Siarod hałoŭnych kryteraŭ adboru ŭ nas nia tolki prafesijanalizm režysera, ale jašče i biełaruskamoŭnaść vykanaŭcy. Kali «Lapis« zdymie videa na biełaruskamoŭny trek — budziem tolki radyja i pakažam na nastupnych festyvalach».
Arhanizatary pieršaj premii muzyčnaha videa «Klip‑marafon‑2008» razhladajuć svaju zadumu, jak biełaruski analah takich festyvalaŭ, jak Vimus u Partuhalii i MTV Video Music Awards. Ideja paŭstała ŭ 2007 hodzie. Tady šerah maładych ludziej zładzili nievialički festyval i ŭbačyli, što ŭdzielnikam i hledačam hetaja ideja spadabałasia, tamu vyrašyli zrabić pieršuju muzyčnuju premiju ŭžo na bolšym uzroŭni. Sioletniuju imprezu jany pryśviačajuć 20‑hodździu biełaruskaha klipa na pieśniu «Ŭra» hurta «Bonda» režysera Hienadzia Šuvahina. Cikava, što siarod hałoŭnych kryteraŭ, pa jakich vyznačajucca ŭdzielniki premii — nia tolki prafesijanalizm režysera, ale i biełaruskamoŭnaść vykanaŭcy. Tak što, jak kaža arhanizatar «Klip‑marafona» Michał Niadźviecki hurtu «Lapis Trubiackoj» ź jahonym «Kapitałam» dy «Ohońkami» sioleta ničoha nia śviecić: «Kali «Lapis« zdymie videa na biełaruskamoŭny trek — budziem tolki radyja i pakažam na nastupnych festyvalach».
Pavodle zadumy sioleta buduć razhladacca tolki roliki, zroblenyja ciaham 2007—2008 hadoŭ. Udzielničajuć hurty Neuro Dubel, «Krambambula», Tarpach, «Pałac», ZET, «Krama», IQ48, :B:N:, Mauzer dy inšyja. Usie pracy buduć raźbityja pa naminacyjach («Lepšaja animacyja», «Lepšy performans» dy h. d.). Planujecca, što ŭ šerahu naminacyjaŭ pieramožca budzie abrany pavodle hladackaha hałasavańnia prosta padčas cyrymonii. Svaich favarytaŭ nazavie i žury, u skład jakoha ŭvojduć abaznanyja ŭ videamastactvie admysłoŭcy — stvaralnik pieršaha biełaruskaha 3D‑klipa Alaksiej Nieścieraŭ, specyjalist pa klipmejkinhu Pavał Śviardłoŭ, pradusar Ihar Znyk, zaprašeńni taksama atrymajuć riežyser Anatol Viečar i pradusar MTV u Biełarusi Valik Hryško.
Pieršaja štohadovaja premija biełaruskaha muzyčnaha videa «Klip‑Marafon‑2008» adbudziecca 14 śniežnia ŭ 18:00 u mienskim klubie «Akvaryjum».
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2828
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary