Ałan Śmit — hramadzianin Vialikabrytanii, jaki naradziŭsia ŭ Kurdystanie. Dva hady tamu jaho zatrymali ŭ Biełarusi pa padazreńni ŭ arhanizacyi nielehalnaj mihracyi zamiežnych hramadzian. Pa viersii śledstva, Śmit i jašče troje biełarusaŭ sprabavali niezakonna pierapravić u Jeŭrasajuz hramadzian Iraka. Brytaniec vinu nie pryznaŭ, a sud prysudziŭ jaho da 2 hadoŭ pazbaŭleńnia voli.
Raniej Ałan nikoli sudzimy nie byŭ. Jon vałodaje dziełavym centram u Varšavie i firmaj u Łondanie, jakaja zajmajecca naftaj i hazam. Pavodle jaho słoŭ, u Biełaruś jon pryjechaŭ pieršy raz dla zakupki sielhasabstalavańnia pa prośbie biznesmienaŭ z Kurdystana. Taksama jon dapamahaŭ suajčyńnicy ź invalidnaściu znajści ŭ Biełarusi balnicu.
Pakarańnie Ałan adbyvaŭ u papraŭčaj kałonii № 3 u pasiołku Vićba pad Viciebskam.
29 vieraśnia Śmit vyjšaŭ na svabodu i palacieŭ u Łondan, dzie jaho čakała žonka i 6-hadovaja dačka. Ale pra Biełaruś brytaniec nie zabyvaje. Jon naviedaŭ matč «Čełsi» — BATE na «Stemfard Brydž» i zaŭzieŭ za biełarusaŭ ź bieł-čyrvona-biełym ściaham.
Ściah jamu dasłali ź Biełarusi.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary