Da 78-j hadaviny z dnia naradžeńnia Ŭładzimira Karatkieviča — jaho dobry i trochi padzabyty vierš.
Da 78-j hadaviny z dnia naradžeńnia Ŭładzimira Karatkieviča — jaho dobry i trochi padzabyty vierš.
Tuman płyvie ź niziny sivy
Nad nivaj hołaj i pustoj.
«Hladzicie, zajac varyć piva», —
Žartujuć ludzi miž saboj.
A ja viduščym baču zrokam,
Jak jon prysieŭ kala ahniu,
Tryhuby, šery, kasavoki,
I piva varyć ź jačmianiu.
Jalina iskrami stralaje,
A jon pryładziŭ kaciałok
I treskaj varyva miašaje,
Kaštuje, sploŭvaje nabok.
I piva zajac varyć husta,
A na zakusku — buračok,
Trava, zaječaja kapusta,
Halin asinavych pučok.
Z zajčychaj vypjuć pa maleńkaj
I dzietkam troški padniasuć,
Pužlivym hałaskom tanieńkim
«Ćvicieła morkva» zaviaduć.
Pabačyš — nie hani z absady,
Daj choć na hety dzień spakoj,
Pavinna ž być i ŭ zajca radaść
Pierad chałodnaju zimoj.
* * *
Čytajcie štodzionna ŭ rubrycy «Litaratura» na sajcie NN tvory i minijatury. Dla serca, dla rozumu, dla movy.
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii13
Kamientary