Z 27 listapada ŭ pravasłaŭnych viernikaŭ pačynajecca Pilipaŭski post, jaki byŭ pryznačany ŭ IV—V stahodździach dla padrychtoŭki da śviatkavańnia Rastva Chrystovaha.
Hety post u narodnym asiaroddzi nazvali ŭ honar śviatoha apostała Filipa (Pilipa), jaki ŭšanoŭvajecca mienavita ŭ hety dzień. Apostał Filip — adzin z dvanaccaci vučniaŭ Chrystovych. Paśla uvaskrasieńnia Isusa staŭ prapaviednikam u Halilei, Hrecyi, Małoj Azii i Siryi. Ździejsniŭ šmat cudaŭ, lačyŭ chvorych, uvaskrašaŭ pamierłych. U 87‑hadovym uzroście jon pa‑pakutnicku pamior. Moščy apostała Filipa znachodziacca ŭ Rymie ŭ carkvie 12 apostałaŭ. Apostału Filipu molacca pry roznych niemačach, asabliva pry zachvorvańniach vačej i ŭkusach źmiej, u žałobie i smutku.
U Biełarusi hety čas nazyvali jašče «Pilipaŭka» i pryhavorvali: «Pilipaŭ post — da śviatak mastok». Pierad Pilipaŭkaj naładžvali apošnija viasiełli, tamu ŭ pieśniach piajecca: «Była vosień, ciapier zima, byli chłopcy, ciapier niama».
Kudzielica — pieršy tydzień pradzieńnia na Pilipaŭski post» — da hetaha dnia nieabchodna było skončyć padrychtoŭku da tkactva: «U zapusty na Pilipaŭku pačynajucca viačorki i popradki».
Na zapusty paŭsiudna było pryniata vynosić na dvor pačastunki dla damavika, kab viałasia svojskaja žyvioła.
Taksama hety dzień staŭ znakavym dla vyznačeńnia nadvorja na bližejšuju i dalokuju pierśpiektyvu:
Tryvały śnieh laža prykładna 27 listapada.
Pierazimak (z 27 listapada da 23 śniežnia) — pačatak zimy.
Kali varona hołas padaje — da adlihi.
Šerań na drevach — da marozu, tuman — da adlihi, a kali šerań była ŭnačy, dniom budzie śnieh.
Kali niepahadź supravadžaje kaladnyja zapusty (apošni dzień pierad postam), to možna različvać na ŭradžajnaje leta.
Ciapier čytajuć
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1
Kamientary