Stolki ŭ trecim kvartale siaredniaja biełaruskaja siamja štomiesiac traciła na spažyvieckija patreby
U trecim kvartale 2008 hoda spažyvieckija raschody ŭ siarednim na adnu biełaruskuju siamju pavialičylisia na 23,7% u paraŭnańni z anałahičnym letašnim pieryjadam, paviedamiła pres‑słužba Nacyjanalnaha statystyčnaha kamiteta.
Źviestki pryvodziacca pa vynikach vybaračnaha abśledavańnia chatnich haspadarak. U siarednim biełaruskaja siamja ŭ zhadany pieryjad štomiesiac traciła na spažyvieckija patreby 1 młn. 62,8 tys. rubloŭ. Ź ich 40,3% raschodavałasia na pradukty charčavańnia (u trecim kvartale 2007 hoda — 41,3%), 2,3% — na ałkahol (2,3%), 35,9% — na niecharčovyja tavary (34,6%). Na apłatu pasłuh u siarednim traciłasia 21,5% usich spažyvieckich raschodaŭ (21,8%), ź ich na žyllova‑kamunalnyja — 5,5% (5,6%).
Biełstat zaznačaje, što ŭdzielnaja vaha nasielnictva ź siaredniedušavym dachodam da 250 tys. rubloŭ skłała 11,1%; ad 250,1 da 500 tys. — 44,4%; ad 500,1 da 750 tys. — 27,2%; ad 750,1 da 1 młn. — 10,3%; zvyš 1 młn. — 7%.
Samaja vysokaja dola nasielnictva ź nizkim siaredniedušavym dachodam (mienš za 250 tys. rubloŭ) u Bresckaj vobłaści — 16%, z dachodami zvyš 1 młn. na čałavieka — u Minsku (13,9%).
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»22
Kamientary