Столькі ў трэцім квартале сярэдняя беларуская сям’я штомесяц траціла на спажывецкія патрэбы
У трэцім квартале 2008 года спажывецкія расходы ў сярэднім на адну беларускую сям’ю павялічыліся на 23,7% у параўнанні з аналагічным леташнім перыядам, паведаміла прэс‑служба Нацыянальнага статыстычнага камітэта.
Звесткі прыводзяцца па выніках выбарачнага абследавання хатніх гаспадарак. У сярэднім беларуская сям’я ў згаданы перыяд штомесяц траціла на спажывецкія патрэбы 1 млн. 62,8 тыс. рублёў. З іх 40,3% расходавалася на прадукты харчавання (у трэцім квартале 2007 года — 41,3%), 2,3% — на алкаголь (2,3%), 35,9% — на нехарчовыя тавары (34,6%). На аплату паслуг у сярэднім трацілася 21,5% усіх спажывецкіх расходаў (21,8%), з іх на жыллёва‑камунальныя — 5,5% (5,6%).
Белстат зазначае, што ўдзельная вага насельніцтва з сярэднедушавым даходам да 250 тыс. рублёў склала 11,1%; ад 250,1 да 500 тыс. — 44,4%; ад 500,1 да 750 тыс. — 27,2%; ад 750,1 да 1 млн. — 10,3%; звыш 1 млн. — 7%.
Самая высокая доля насельніцтва з нізкім сярэднедушавым даходам (менш за 250 тыс. рублёў) у Брэсцкай вобласці — 16%, з даходамі звыш 1 млн. на чалавека — у Мінску (13,9%).
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары