U Paleskim radyjacyjna-ekałahičnym zapaviedniku dazvolili nie tolki rybałoŭstva, ale i turyzm z palavańniem
Miežy i płošča Paleskaha dziaržaŭnaha radyjacyjna-ekałahičnaha zapaviednika źmianilisia, taksama ŭ im dazvolili pčalarstva i palavańnie. Adpaviedny ŭkaz prezidenta Biełarusi apublikavany na Nacyjanalnym pravavym internet-partale.
Dakumient zaćvierdziŭ novuju redakcyju pałažeńnia ab zapaviedniku, a taksama jaho miažy i płošču. Jak i raniej, u Paleskim dziaržaŭnym radyjacyjna-ekałahičnym zapaviedniku vyłučanyja zapavietnaja i ekśpierymientalna-haspadarčaja zony.
Na terytoryi ekśpierymientalna-haspadarčaj zony dazvolili pčalarstva, koniehadoŭlu, pładavodstva, a taksama turyzm, arhanizacyju i praviadzieńnie palavańnia.
Akramia taho, raku Prypiać, jakaja znachodzicca ŭ miežach zapaviednika, adnieśli da rybałoŭnych uhodździaŭ i pieradali ich zapaviedniku — dla viadzieńnia pramysłovaha rybałoŭstva.
A voś zbor dzikarosaŭ — ad hryboŭ da jahad i arechaŭ — na terytoryi zapaviednika pa-raniejšamu zabaronieny, «za vyklučeńniem zboru ŭ navukova-daśledčych i ekśpierymientalna-haspadarčych metach».
Ukaz ustupaje ŭ siłu praz 10 dzion paśla jaho aficyjnaha apublikavańnia.
Paleski dziaržaŭny radyjacyjna-ekałahičny zapaviednik stvaryli ŭ 1988 hodzie, praz dva hady paśla avaryi na Čarnobylskaj atamnaj stancyi. Jon raźmieščany ŭ Chojnickim, Naraŭlanskim i Brahinskim rajonach. Tut zachoŭvajecca tracina ŭsioj «čarnobylskaj spadčyny», jakaja dastałasia Biełarusi paśla avaryi na atamnaj stancyi: 30% cezija, 70% stroncyja i 97% płutonija.
Ciapier čytajuć
Ofis Cichanoŭskaj užo ad siońnia pačynaje pracu ŭ Varšavie12
Ofis Cichanoŭskaj užo ad siońnia pačynaje pracu ŭ Varšavie
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary