Ministerstva ŭnutranych spraŭ vykłała na svaim Jutub-kanale nieadnaznačny videarolik. U im 16-hadovy padletak vybačajecca pierad skulpturaj haradovaha, jakaja staić na vulicy Haradski Vał ŭ Minsku, i pierad milicyjantami.
Pa słovach milicejskaha instruktara Hienadzia Kašaluka, jon z naparnikam jechaŭ pa Haradskim Vale na słužbovaj mašynie. Milicyjanty zaŭvažyli, jak padletak daŭ pomniku poŭchu i pajšoŭ dalej.
«Małady čałaviek u skačku nanios adzin udar minskamu haradavomu. Paśla čaho dadzienaha pravaparušalnika zatrymali, apytali, skłali administratyŭny pratakoł i pieradali supracoŭnikam Maskoŭskaha RAUS Minska», — raskazvaje Kašaluk.
Paśla na videa «pravaparušalnik» Arsień, vučań adnaho ź licejaŭ stalicy, raskajvajecca, što pryčyniŭ škodu skulptury.
Pavodle infarmacyi MUS, na chłopca skłali pratakoł za chulihanstva. Varta ŭdakładanić, što haradavy — haradskaja skulptura, a nie pomnik.
Skulptura haradavoha była ŭstalavanaja ŭ Minsku ŭ 2017 hodzie. Heta vobraz pravaachoŭnika časoŭ Rasijskaj impieryi.
Nieŭzabavie anarchist Viačasłaŭ Kasinieraŭ pravioŭ pierformans — nakinuŭ piatlu na šyju haradavomu. Na aktyvista była zaviedziena kryminalnaja sprava za chulihanstva. U vyniku Kasinieraŭ byŭ aštrafavany, choć spačatku adsiedzieŭ bolš za miesiac u śledčym izalatary.
Čytajcie taksama. Aleś Maračkin napisaŭ sarkastyčny vierš pra pomnik haradavomu
Čytajcie taksama. List čytača: Haspadara sabaki, jaki pasikaŭ na ckulpturu haradavoha, ledź nie zatrymali za źniavahu pomnika
***
Publičnyja prabačeńni stali asabliva «papularnymi» ŭ Čačni. Žychary respubliki, jakija niejkim čynam krytykavali miascovuju ŭładu, na kamieru prynosili prabačeńni Ramzanu Kadyravu.
Apublikavali razmovy žonki Bałaby, u jakich jana sprabuje schavać ad muža troch kachankaŭ, u tym liku Rusłana Alachno9
Kamientary