List čytača: Haspadara sabaki, jaki pasikaŭ na ckulpturu haradavoha, ledź nie zatrymali za źniavahu pomnika

Tak skłałasia, što pomnik haradavomu znachodzicca niepadalok ad domu majoj maci, dzie my razam ź joj i maim sabakam vyrašyli prahulacca ŭviečary. Sabaka, jak heta časta byvaje z žyvymi sabakami, a nie ich adbićciami ŭ bronzie, časam sikajuć abo pamiačajuć terytoryju. Tak stałasia i z pomnikam haradavomu — sabaka paniuchaŭ niahiehłuju skulpturku dy chucieńka pamieciŭ svajho bronzavaha kalehu la nahi haradavoha. Zdavałasia b, drobnaja sprava. Ale nieŭzabavie nas dahnaŭ maładzieńki milicyjancik i pasprabavaŭ zatrymać za źniavahu pomnika. Kali jon ahučyŭ pretenziju, ja na siekundu padumaŭ byŭ, što navat nie sabaka, a ja sam pasikaŭ samaje mienšaje, u Viečny ahoń. Ale nie, moj sabaka źniavažyŭ pomnik carskamu palicejskamu.

Da štrafu ci jašče horš, aryštu, sprava nie dajšła. Na ščaście, kiraŭnik maładoha čałavieka, što nas zatrymlivaŭ, vykazaŭsia bolšaj intelihientnaściu za padnačalenaha. Tym nie mienš, viečarovy nastroj byŭ sapsavany. Dy abodva i nie chavali, što majo padazreńnie pra datyčnaść asabista ministra da pavyšanaj pilnaści milicyi vakoł haradavoha ź jahonym sabačkam — słušnaje.

Chaciełasia b u suviazi z hetaj padziejaj zadać ministru niekalki pytańniaŭ:

1) U kolki nam abychodzicca kruhłasutačnaja achova pomnika, jaki nie maje anijakaj histaryčnaj kaštoŭnaści?

2) Haradavy pradstaŭleny z sabačkam. Ci sabačka haradavoha nie sikaŭ?

3) Za ŭvieś čas znachodžańnia ŭ Minsku ŭ mianie skłałasia ŭražańnie, što tyja ščaślivyja ŭładalniki sabakaŭ, što prybirajuć, jak i ja, darujcie za eŭfiemizm, vialikija spravy za svaimi hadavancami — redkaja hrupa marhinałaŭ. Ci tavaryša ministra nie chvaluje takaja situacyja?

4) Nižej pa vulicy, dzie staić ulubiony pomnik ministra Šunieviča, jość skvier z pomnikam Adamu Mickieviču. Dyk tam nie toje što sabaki — ludzi sikajuć za šmatlikimi jalinkami. Znoŭ ža, moža, ministr źviernie ŭvahu?

5) Moj sabaka, pakolki ja žyvu pa-za Biełaruśsiu, sikaŭ na Vincenta Vitasa, navat adnojčy na Śviatoha Vacłava, a jašče — na pałac prezidenta ŭ Varšavie. Nikomu heta nie pieraškadžała. Čym apraŭdany inšy padychod u Minsku?

• 0
• 0
• 0
• 0
• 0
• 0